Psalmyn 119:4 - Yn Vible Casherick 1775 1819

⁴ T’ou uss er harey shin: dy imneagh dy reayll dt’annaghyn.

Psalmyn Ghavid 1761 (Metrical)

⁴ Dy hoiggal dt’annaghyn reeoil, Ta’n sarey ayd’s, O Yee,

Lioar ny Psalmyn 1765 (Pointed)

⁴ T’ow uss er haarey shin: dy-imneagh dy reayll dt’annaghyn.

Psalmyn 119:4 ပူးပေါင်းရင်းမြစ်များ

1 Ean 5:3

Son shoh graih Yee, dy vreill mayd e annaghyn: as cha vel ny annaghyn echey trome.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver-yms graih da, as soilshee-ym mee hene da.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Noo Ean 14:15

My ta shiu graihagh orrym’s, freill-jee my annaghyn.

Deuteronomy 12:32

Cre-erbee ta mee dy harey diu, gow-jee tastey dy yannoo eh: cha der shiu veg huggey, ny veg y ghoaill veih.

Joshua 1:7

Ynrycan bee jeh cree mie as feer dunnal, dy vod oo cur tastey dy yannoo cordail rish ooilley’n leigh hug Moses my harvaant ayns currym dhyt: ny chyndaa veih gys y laue yesh ny gys y laue hoshtal, dy vod oo bishaghey cre-erbee yn raad t’ou goll.

Deuteronomy 30:16

Liorish dy vel mee dy dty harey jiu, dy choyrt graih da’n Chiarn dty Yee, dy immeeaght ayns e raaidyn, as dy reayll e annaghyn, as e lattyssyn, as e vriwnyssyn, dy vod oo ve beayn, as bishaghey: as nee’n Chiarn dty Yee oo y vannaghey ’sy cheer, huggey t’ou goll dy chummal ayn.

Deuteronomy 11:22

Son my nee shiu dy kiaralagh ooilley ny currymyn shoh, ta mish dy harey diu, dy chooilleeney ad, dy choyrt graih da’n Chiarn nyn Yee, dy immeeaght ayns ooilley e raaidyn, as dy lhiantyn huggey;

Deuteronomy 6:17

Nee shiu dy imneagh freayll annaghyn y Chiarn nyn Yee, as e oardaghyn, as e lattyssyn t’eh er harey dhyt.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 11:13

As hig eh gy-kione, my ver shiu tastey imneagh da ny annaghyn ta mee dy harey diu yn laa jiu, dy choyrt graih da’n Chiarn nyn Yee, as dy hirveish eh lesh ooilley nyn gree, as ooilley nyn annym;

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Exodus 7:6

As ren Moses as Aaron myr hug y Chiarn sarey daue; eer shen myr ren ad.

Deuteronomy 6:3

Eaisht er-y-fa shen, O Israel, as gow tastey dy yannoo eh, dy vod oo ve maynrey, as dy vod shiu bishaghey dy mooar, myr ta’n Chiarn Jee dty ayraghyn er yialdyn dhyt, ’sy cheer ta palchey ayns bainney as mill.

Ezra 7:21

As ta mish, eer mee hene Artaxerxes y ree, cur magh sarey da ooilley ny resowryn ta cheu elley jeh’n awin, cre-erbee hirrys Ezra yn saggyrt, scrudeyr ayns leigh Yee flaunys, erriu, dy bee eh jeant ass laue;

Ezekiel 20:19

Mish y Chiarn nyn Yee; shooill-jee ayns my lattyssyn, as freill-jee my vriwnyssyn, as jean-jee ad.