Psalmyn 119:3 - Yn Vible Casherick 1775 1819

³ Son t’adsyn nagh vel jannoo veg yn olk: gimmeeaght ayns e raaidyn.

Psalmyn Ghavid 1761 (Metrical)

³ Nyn lheid ta kinjagh er nyn dwoaie, Veih caslys olk dy chea; Tastagh dy reayll yn raad ta roue Nagh gaill ad shilley jeh.

Lioar ny Psalmyn 1765 (Pointed)

³ Son t’adsyn nagh vel jannoo veg yn olk: gimmeeaght ayns e raaidyn.

Psalmyn 119:3 ပူးပေါင်းရင်းမြစ်များ

Lioar Yob 36:11

My ver ad biallys as shirveish da, nee ad baarail nyn laghyn ayns maynrys, as nyn mleeantyn ayns shee:

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Ezekiel 18:17

Ta er lhiettal e laue veih chennid er y voght, nagh vel er n’ghoaill use ny tack, ta er chooilleeney my vriwnyssyn, ta er n’immeeaght ayns my lattyssyn; cha vow eh shoh baase son mee-chairys e ayr, bee eh son shickyrys bio.

1 Ean 3:9

Quoi-erbee t’er ny ruggey jeh Jee, cha vel eh cur rish peccah; son ta’n rass echey tannaghtyn ayn: as cha vod eh ve fo reill peccah, er-y-fa dy vel eh er ny ruggey jeh Jee.

1 Ean 5:18

Ta fys ain quoi-erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t’eh freayll arrey er hene, as cha vel yn drogh-er bentyn rish.