Psalmyn 119:2 - Yn Vible Casherick 1775 1819

² Bannit t’adsyn ta freayll ny recortyssyn echey: as shirrey er e hon lesh ooilley nyn gree.

Psalmyn Ghavid 1761 (Metrical)

² O maynrey ad ta gys e leigh Coyrt biallys creeoil; Lesh jeeanid anmey imlee guee Dy yannoo eh foayroil.

Lioar ny Psalmyn 1765 (Pointed)

² Bannit t’adsyn ta freayll ny recortyssyn echey: as shirrey er y hon lesh ooilley nyn gree.

Psalmyn 119:2 ပူးပေါင်းရင်းမြစ်များ

1 Reeaghyn 2:3

As freill sarey yn Chiarn dty Yee, dy hooyl ayns e raaidyn, dy reayll e lattyssyn, as e annaghyn, as e vriwnyssyn, as e recortyssyn, myr te scruit ayns leigh Voses, dy vod oo bishaghey ayns ooilley ny t’ou dy yannoo, as cre theihll y raad t’ou chyndaa oo-hene.

1 Recortyssyn 22:19

Nish soie-jee nyn gree as nyn annym dy hirrey yn Chiarn nyn Yee; seose-jee eisht, as trog-jee cabbane-agglish y Chiarn Jee, dy choyrt lhieu arg conaant y Chiarn, as siyn casherick Yee, stiagh gys y thie ta dy ve troggit gys ennym y Chiarn.

2 Recortyssyn 31:21

As ayns dy chooilley obbyr ghow eh ayns laue dy yannoo ayns shirveish thie Yee, as cordail rish y leigh, as ny annaghyn, dy hirrey e Yee, shen ren eh lesh ooilley e chree, as haink eh lesh myrgeddin.

Psalmyn 119:10

Lesh ooilley my chree ta mee er hirrey er dty hon: O ny lhig dou goll er-shaghryn veih dty annaghyn.

Psalmyn 119:101

Ta mee er chummal my chassyn veih dy chooilley ghrogh raad: dy voddin freayll dty ghoo.

Psalmyn 119:115

Ass my enish, shiuish ghrogh-yantee: freill-yms annaghyn my Yee.

Psalmyn 119:146

Hood’s, dy feer ta mee geamagh: cooin lhiam, as freill-ym dty recortyssyn.

Psalmyn 119:17

O jean mie da dty harvaant: dy voddym ’ve bio as dty ghoo y reayll.

Psalmyn 119:22

O chyndaa voym’s nearey as oghsan: son ta mee er vreaylley dty recortyssyn.

Psalmyn 119:33

Ynsee dou, O Hiarn, raad dty lattyssyn: as freill-ym eh gys y jerrey.

Psalmyn 119:34

Cur dou tushtey, as freill-ym dty leigh: freill-ym eh dy jarroo lesh ooilley my chree.

Psalmyn 119:57

Uss my eiraght, O Hiarn: ta mee er yialdyn dy reayll dty leigh.

Psalmyn 119:69

Ta ny mooaralee er droggal breg orrym: agh freill-yms dt’annaghyn lesh ooilley my chree.

Psalmyn 119:88

O jean mish y vioghey lurg dty chenjallys-ghraihagh: as myr shen freill-ym recortyssyn dty veeal.

Psalmyn 25:10

Er graih dt’ennym, O Hiarn: bee myghinagh da my pheccah, son s’mooar te.

Raaghyn Creeney 23:26

My vac, cur dooys dty chree, as lhig da dty hooillyn cur tastey da my raaidyn.

Jeremiah 29:13

As nee shiu m’y hirrey, as m’y gheddyn magh, tra nee shiu briaght er my hon lesh ooilley nyn gree.

Ezekiel 36:27

As ver-yms yn spyrryd aym’s er cheu-sthie j’iu, as ver-ym erriu shooyl ayns my lattyssyn, as nee shiu freayll my vriwnyssyn, as jannoo ad.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Deuteronomy 4:29

Agh veih shen my nee oo shirrey gys y Chiarn dty Yee, nee oo feddyn eh, my hirrys oo er e hon lesh ooilley dty chree, as lesh ooilley dt’annym.

Deuteronomy 6:17

Nee shiu dy imneagh freayll annaghyn y Chiarn nyn Yee, as e oardaghyn, as e lattyssyn t’eh er harey dhyt.

Deuteronomy 6:5

As ver oo graih da’n Chiarn dty Yee, lesh ooilley dty chree, as lesh ooilley dty annym, as lesh ooilley dty niart.

1 Ean 3:20

Son my ta ny creeaghyn ain dy gheyrey shin, ta Jee erskyn ny creeaghyn ain, as ta fys echey er dy chooilley nhee.