Psalmyn 119:144 - Yn Vible Casherick 1775 1819

¹⁴⁴ Ta cairys dty recortyssyn dy bragh farraghtyn: O giall dou tushtey, as bee’m bio.

Lioar ny Psalmyn 1765 (Pointed)

¹⁴⁴ Ta cairys dty recortyssyn dy-bragh farraghtyn: O giall dou tushtey, as bee’m bio.

Psalmyn 119:144 ပူးပေါင်းရင်းမြစ်များ

Psalmyn 119:138

Ny recortyssyn t’ou uss er n’oardaghey: t’ad erskyn-towse cairagh as firrinagh.

Psalmyn 119:151

Bee uss er-gerrey ec laue, O Hiarn: son ta ooilley dty annaghyn firrinagh.

Psalmyn 119:152

Mychione dty annaghyn, ta fys aym foddey er-dy-henney: dy vel oo er hoiaghey ad er undin shickyr son dy bragh.

Psalmyn 119:169

Lhig da my accan cheet kiongoyrt rhyt, O Hiarn: cur dou tushtey cordail rish dty ghoo.

Psalmyn 119:17

O jean mie da dty harvaant: dy voddym ’ve bio as dty ghoo y reayll.

Psalmyn 119:34

Cur dou tushtey, as freill-ym dty leigh: freill-ym eh dy jarroo lesh ooilley my chree.

Psalmyn 119:66

O ynsee dou toiggal as tushtey firrinagh: son ta mee er chredjal dty annaghyn.

Psalmyn 119:73

Ta dty laueyn er my chroo as er my chummey: O cur dou tushtey, dy voddym gynsaghey dt’annaghyn.

Psalmyn 19:9

Ta aggle y Chiarn glen, as farraghtyn son dy bragh: ta briwnyssyn y Chiarn firrinagh as cairagh ooilley dy cheilley.

Raaghyn Creeney 10:21

Ta meillyn y dooinney crauee dy ynsaghey ymmodee: agh ta ny mee-cheeayllee goll naardey son laccal creenaght.

Raaghyn Creeney 4:4

Dynsee eshyn mee neesht, as dooyrt eh rhym, Lhig da dty chree goaill stiagh my ghoan: freill my annaghyn, as bee oo bio.

Raaghyn Creeney 7:2

Freill my haraghyn as bee oo beayn: as my leigh myr clagh dty hooill.

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Daniel 12:10

Bee ymmodee er ny ghlenney, as jeant gial, as er ny phrowal; agh ver ny drogh-yantee rish olk; as cha jean veg jeh ny mee-chrauee toiggal, agh bee yn vooinjer chreeney toiggalagh.

Hosea 4:6

Ta my phobble’s goll naardey son laccal tushtey: son dy vel uss er n’yiooldey rish tushtey, jioold-yms myrgeddin rhyt’s, nagh bee oo ny-sodjey son saggyrt dooys: fakin dy vel oo er yarrood leigh dty Yee’s, neem’s myrgeddin yn chloan ayd’s y yarrood.

Noo Mian 13:19

Quoi-erbee ta clashtyn goo yn reeriaght, as nagh vel dy hoiggal eh, ta’n drogh-er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 5:18

Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, ny’n floag sloo er ny ghoaill veih’n leigh, derrey vees ooilley jeant mie.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.