Psalmyn 116:8 - Yn Vible Casherick 1775 1819

⁸ As cre’n-fa? t’ou er livrey m’annym veih baase: my hooillyn veih jeïr, as my chassyn veih tuittym.

Lioar ny Psalmyn 1765 (Pointed)

⁸ As cre’n-fa? t’ow er livrey m’annym veih baase: my hooillyn veih jeïr, as my chassyn veih tuittym.

Psalmyn 116:8 ပူးပေါင်းရင်းမြစ်များ

Psalmyn 37:24

Ga dy duitt eh, cha bee eh treigit: son ta’n Chiarn dy chummal eh seose lesh e laue.

Psalmyn 49:15

Agh nee Jee m’annym y livrey veih pooar yn oaie: son nee eh m’y ghoaill huggey hene.

Psalmyn 56:13

Son t’ou er livrey m’annym veih baase, as my chassyn veih tuittym: dy voddym gimmeeaght kiongoyrt rish Jee ayns soilshey yn sleih bio.

Psalmyn 86:13

Son s’mooar ta dty vyghin hym’s: as t’ou er livrey m’annym veih diunid ny hoaie.

Psalmyn 94:18

Agh tra dooyrt mee, Ta my chass er skyrraghtyn: ren dty vyghin’s, O Hiarn, mish y chummal seose.

Isaiah 25:8

Nee eh sluggey seose baase ayns barriaght, as nee yn Chiarn Jee glenney ersooyl jeïr veih dy chooilley ghruaie, as oltooan e phobble nee eh goaill ersooyl veih ooilley yn seihll: son ta’n Chiarn er loayrt eh.

Isaiah 38:5

Immee, as abbyr rish Hezekiah, Myr shoh ta’n Chiarn, Jee Ghavid dty ayr, gra, Ta mee er chlashtyn dty phadjer, ta mee er vakin dty yeïr: cur-my-ner, ver-ym gys dty eash queig bleeaney jeig.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Ashlish 7:17

Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.

Briwnyn 1:24

As honnick ny scrialtee dooinney cheet ass yn ard-valley; as dooyrt ad rish, Jeeagh dooin, ta shin guee ort, yn raad sassey dy chosney stiagh ’syn ard-valley, as bee mayd foayroil dhyt’s.