Psalmyn 115:3 - Yn Vible Casherick 1775 1819

³ Er son y Jee ainyn, t’eh ayns niau: t’eh er n’yannoo myr s’gooidsave lesh.

Lioar ny Psalmyn 1765 (Pointed)

³ Er son y Jee ainyn, t’eh ayns niau: t’eh er n’yannoo myr s’gooidsave lesh.

Psalmyn 115:3 ပူးပေါင်းရင်းမြစ်များ

1 Recortyssyn 16:25

Son s’mooar ta’n Chiarn, as dy mooar dy ve er ny voylley: ta aggle dy ve goit roish erskyn dy chooilley Yee.

Lioar Yob 23:13

Agh t’eshyn jeh’n un aigney, as quoi oddys eh y hyndaa? as shen ta’n annym echey geearree, eer myr shen t’eh dy yannoo.

Psalmyn 103:19

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

Psalmyn 123:1

Hood’s ta mee troggal seose my hooillyn: O uss ta cummal ayns ny niaughyn.

Psalmyn 135:6

Cre-erbee s’gooidsave lesh y Chiarn, shen ren eh ayns niau, as er y thalloo: ayns yn aarkey, as ayns ooilley ny diunidyn mooarey.

Psalmyn 2:4

Eshyn ta baghey ayns niau ghearys orroo lesh craid: bee ad ec y Chiarn ayns faghid.

Psalmyn 68:4

O gow-jee arrane gys Jee, as arraneyn-moyllee gys e ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e ennym Jah, as gow-jee boggey kiongoyrt rish.

Isaiah 46:10

Soilshaghey yn jerrey veih’n toshiaght, as veih ny shenn earishyn ny reddyn nagh vel foast er daghyrt, gra, Nee my choyrle shassoo, as cooilleen-ym ooilley my aigney:

Daniel 4:32

As eiyree ad magh oo veih deiney, as bee dty chummal marish maase y vagheragh: nee oo gee faiyr myr ny dew, as hig shiaght traaghyn ort, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Noo Mian 6:9

Shen-y-fa er yn aght shoh gow-jee padjer: Ayr ain t’ayns niau, Casherick dy row dty ennym.

Romanee 9:19

Jir uss eisht rhym, Cre’n-fa t’eh foast feddyn foill? Son quoi t’er hassoo magh noi e aigney?

Ephesianee 1:11

Ayn myrgeddin ta shin er gheddyn eiraght, myr va shin pointit ro-laue cordail rish y chiarail echeysyn ta gobbraghey dy chooilley nhee lurg coyrle e aigney hene: