Psalmyn 115:16 - Yn Vible Casherick 1775 1819

¹⁶ Ta ny slane niaughyn lesh y Chiarn: yn thalloo t’eh er choyrt da cloan gheiney.

Lioar ny Psalmyn 1765 (Pointed)

¹⁶ Ta ny slane niaughyn lesh y Chiarn: yn thalloo t’eh er choyrt da cloan gheiney.

Psalmyn 115:16 ပူးပေါင်းရင်းမြစ်များ

Psalmyn 144:5

Croym dty niaughyn, O Hiarn, as tar neose: benn rish ny sleityn, as bee ad ayns jaagh.

Psalmyn 148:4

Moylley-jee eh, ooilley shiuish niaughyn: as shiuish ushtaghyn ta erskyn yn aer.

Psalmyn 8:6

T’ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

Psalmyn 89:11

T’ou er choyrt Egypt fo-chosh, as er stroie eh: t’ou er skeayley dty noidyn dy lhean lesh dty roih niartal.

Psalmyn 89:12

Ta ny niaughyn lhiat’s, lhiat’s myrgeddin yn thalloo: t’ou er hoiaghey undin y seihll runt, as ooilley ny t’ayn.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Dobberan 3:66

Nee oo geiyrt ad, as stroie ad ayns dty yymmoose, veih fo niaughyn y Chiarn.

Noo Ean 14:2

Ayns thie my Ayrey ta ymmodee ynnydyn-vaghee; dy beagh eh er aght elley, veign er n’insh diu: ta mee goll dy yannoo aarloo ynnyd er nyn son.

Deuteronomy 10:14

Cur-my-ner, ta niau, as niau ny niaughyn lesh y Chiarn dty Yee, yn seihll myrgeddin marish ooilley ny t’ayn.

Deuteronomy 32:8

Tra ren yn er smoo syrjey rheynn er ny ashoonyn nyn eiraght, tra skeayl eh mec Adam, hoie eh cagleeyn y pobble, cordail rish earroo cloan Israel.