Psalmyn 115:12 - Yn Vible Casherick 1775 1819

¹² Ta’n Chiarn er chooinaghtyn orrin, as bannee eh shin: dy jarroo nee eh thie Israel y vannaghey, nee eh bannaghey thie Aaron.

Lioar ny Psalmyn 1765 (Pointed)

¹² Ta’n Chiarn er chooinaghtyn orrin, as bannee eh shin: dy-jarroo nee eh thie Israel y vannaghey, nee eh bannaghey thie Aaron.

Psalmyn 115:12 ပူးပေါင်းရင်းမြစ်များ

Genesis 8:1

As chooinee Jee er Noah, as er dagh cretoor bio, as er ooilley yn maase va mârish ’syn arg: as hug Jee er geay dy heidey harrish y thalloo, as ren ny ushtaghyn sloateil.

Psalmyn 135:19

Moylley-jee yn Chiarn, shiuish hie Israel: moylley-jee yn Chiarn, shiuish hie Aaron.

Psalmyn 136:23

Ren cooinaghtyn orrin tra va shin ayns seaghyn: son ta e vyghin farraghtyn son dy bragh;

Psalmyn 25:7

Graysoil as cairal ta’n Chiarn: shen-y-fa ynsee eh da peccee yn raad cair.

Psalmyn 67:7

Nee Jee shin y vannaghey: as nee dy chooilley ard jeh’n seihll aggle y ghoaill roish.

Isaiah 44:21

Cooinee orroo shoh, O Yacob as Israel; son uss my harvaant: ta mee er dty chummey; t’ou uss my harvaant: O Israel, cha jean-ym dty yarrood.

Earrooyn 6:27

As ver ad m’ennym’s er cloan Israel, as neem’s ad y vannaghey.

Jannoo 10:4

As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee-chraueeaght.

Galatianee 3:14

Dy voddagh bannaght Abraham cheet er ny Ashoonee trooid Yeesey Creest; dy voddagh shin gialdyn yn Spyrryd y chosney trooid credjue.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest: