Psalmyn 113:4 - Yn Vible Casherick 1775 1819

⁴ Ta’n Chiarn ard erskyn dy chooilley ashoon: as ta e ghloyr erskyn ny niaughyn.

Lioar ny Psalmyn 1765 (Pointed)

⁴ Ta’n Chiarn ard er-skyn dy-chooilley ashoon: as ta e ghloyr er-skyn ny niaughyn.

Psalmyn 113:4 ပူးပေါင်းရင်းမြစ်များ

1 Reeaghyn 8:27

Agh jean Jee dy jarroo cummal er y thalloo? Cur-my-ner, cha vod niau, as niau dy niaughyn, uss y chummal; cre-woad sloo yn thie shoh ta mish er hroggal?

Psalmyn 148:13

Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn 8:1

O Hiarn nyn Giannoort, cre cha ooasle ta dt’Ennym trooid ooilley’n theihll: uss ta er hoiaghey dty ghloyr erskyn ny niaughyn!

Psalmyn 97:9

Son t’ou uss, Hiarn, ny syrjey na adsyn ooilley t’er y thalloo: t’ou er dty hoiaghey seose foddey erskyn dy chooilley Yee.

Psalmyn 99:2

S’mooar ta’n Chiarn ayns Sion: as ard erskyn dy chooilley phobble.

Isaiah 40:15

Cur-my-ner, ta ny ashoonyn myr bine ’sy chruick, as t’ad coontit myr brinneen ayns ny meihaghyn: cur-my-ner, t’eh troggal ny ellanyn myr red feer fardalagh.

Isaiah 40:17

Ta dy chooilley ashoon myr red gyn veg kiongoyrt rish, t’ad coontit liorish ny sloo na veg as fardail.

Isaiah 40:22

Eshyn eh ta soie er combaase y theihll, as ta ny cummaltee echey myr lheimeyderyn-faiyr; ta sheeyney magh ny niaughyn myr curtan, as skeayley magh ad myr cabbane dy chummal ayn;

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?