Psalmyn 112:9 - Yn Vible Casherick 1775 1819

⁹ T’eh er skeayley dy lhean, as er choyrt da ny boghtyn: as ta e chairys farraghtyn son dy bragh; bee’n ennym echey er ny hoiaghey seose lesh ooashley.

Lioar ny Psalmyn 1765 (Pointed)

⁹ T’eh er skeayley dy-lhean as er choyrt da ny boghtyn: as ta e chairys farraghtyn son dy-bragh; bee’n ennym echey er ny hoiaghey seose lesh ooashley.

Psalmyn 112:9 ပူးပေါင်းရင်းမြစ်များ

Psalmyn 111:3

Ta’n obbyr echey feeu moylley as ooashley: as ta e chairys farraghtyn son dy bragh.

Psalmyn 112:3

Bee berchys as palchey ayns e hie: as nee e chairys farraghtyn son dy bragh.

Psalmyn 75:10

Er son y drundin echey: nee ooilley mee-chrauee y theihll ad y iu, as y yiole ass.

Psalmyn 92:10

Hee my hooill neesht e aigney er my noidyn: as nee my chleaysh clashtyn e yeearree er ny mee-chrauee ta girree magh m’oï.

Psalmyn 92:11

Nee yn dooinney cairagh blaaghey myr y billey-palm: as skeayley dy lhean myr y billey-cedar ayns Libanus.

Raaghyn Creeney 14:24

Ta berchys attey aalin da sleih creeney: agh cha vel ad agh soilshaghey ommijys yn ommydan.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Raaghyn Creeney 21:26

T’eh fo saynt jollyssagh fey-ny-laa: agh ta’n feoiltagh coyrt voish lesh laue foshlit.

Ecclesiastes 11:6

’Sy voghrey cuirr dty rass, as ec yn astyr ny lhaggee dty laue: son cha vel fys ayd quoi jeu nee bishaghey, edyr shoh ny shen; er-nonney bee ad ny-neesht co-laik mie.

Ecclesiastes 3:6

Traa dy chosney, as traa dy choayl: traa dy hashtey, as traa dy chur magh:

Isaiah 32:8

Agh ta’n cree ooasle smooinaghtyn er nheeghyn ooasle, as liorish cooishyn ooasle nee eh shassoo.

Isaiah 58:10

My nee dty chree meiyghey gys ny accryssee, as dy jean oo magh yn annym seaghnit; eisht nee dty hoilshey brishey magh ayns y dullyr, as bee dty ghorraghys myr y vun-laa:

Isaiah 58:7

Nagh nee dy rheynn dty arran er ny accryssee, as dy der oo lhiat ny ymmyrchee ta gyn fastee gys dty hie? tra hee oo yn roosteen, dy der oo eaddagh da; as nagh jean oo oo hene y cheiltyn veih dty eill hene?

Noo Mian 6:4

Dy vod dty yeirk ve follit: as nee dty Ayr ta fakin ny ta jeant dy follit, dty leagh y chur dhyt dy foshlit.

Noo Mark 14:7

Son ta ny boghtyn eu kinjagh mêriu, as tra erbee dy nailliu, foddee shiu ve mie roo: agh mish cha vel eu dy kinjagh.

Noo Luke 11:41

Agh cur-jee lheid as t’eu da ny boghtyn: as cur-my-ner, bee dy chooilley nhee glen diu.

Noo Luke 12:33

Creck-jee ny t’eu, as cur-jee da ny boghtyn: kiare-jee diu hene sporranyn nagh n’aase shenn, berchys ayns ny niaughyn nagh vel failleil, raad nagh vel y maarliagh cheet er-gerrey, ny’n lhemeen cur mow.

Noo Luke 16:9

As ta mee gra riu, Jean-jee diu hene caarjyn liorish y mammon molteyragh; tra nee shiu failleil, dy vod ad shiu y ghoaill stiagh gys ny ynnydyn-vaghee dy bragh farraghtyn.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Ean 13:29

Son heill paart, er-yn-oyr dy nee ec Yuaase va’n sporran, dy row Yeesey er ghra rish, Kionnee ny vees mayd feme cour y feailley: ny eh dy chur jeirk da ny boghtyn.

Jannoo 20:35

Ta mee er hoilshaghey diu dy chooilley nhee, kys laboraght myr shen, dy lhisagh shiu kemmyrk y choyrt da ny annooinee; as cooinaghtyn er goan y Chiarn Yeesey, kys dooyrt eh, Te ny s’bannee dy choyrt na dy ghoaill.

Jannoo 4:35

As dyn goyrt eh sheese ec cassyn ny hostyllyn as va rheynn er ny yannoo er dy chooilley ghooinney cordail rish e eme.

Romanee 12:13

Rheynn gys ymmyrch ny nooghyn; arryltagh dy choyrt oltaghey-bea da troailtee.

2 Corinthianee 8:9

Son shione diu grayse nyn Jiarn Yeesey Creest, ga dy row eh berchagh, ny-yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Deuteronomy 15:11

Son cha bee yn cheer dy bragh gyn voghtyn: shen-y-fa ta mee cur currym ort, gra, Nee oo fosley dty laue dy feoilt da dty vraar boght, as ymmyrchagh, ayns dty heer.

Deuteronomy 15:14

Nee oo magh eh dy feoilt ass dty hioltane, as veih dty hoalt, as veih dty ghoagh-feeyney; jeh shen, lesh ta’n Chiarn er dty vannaghey, ver oo dasyn.

Deuteronomy 24:13

Er dy chooilley aght livreyee oo huggey e yioal reesht ec lhie ny greiney, dy vod eh cadley ayns e eaddagh hene, as oo y vannaghey: as bee shoh er ny choyrt gys dty lieh son cairys fenish y Chiarn dty Yee.

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

Hebrewnee 13:16

Agh dy yannoo mie, as dy rheynn [er ny boghtyn], ny jarrood-jee: son lesh lheid ny ourallyn ta Jee er ny yannoo booiagh.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

Ashlish 22:11

Lhig dasyn ta neu-chairagh, ve dy kinjagh neu-chairagh: as lhig dasyn ta neu-ghlen, ve kinjagh neu-ghlen: as lhig dasyn ta cairagh, ve kinjagh cairagh: as lhig dasyn ta casherick, ve kinjagh casherick.

1 Samuel 2:1

As vrish Hannah magh ayns arrane-moyllee, as dooyrt ee, Ta my chree goaill boggey ayns y Chiarn; ta my chione er ny hroggal seose ayns y Chiarn; my veeal foddym nish fosley dy loayrt rish my noidyn; er-yn-oyr dy vel mee goaill slane boggey ayns dty haualtys.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.