Psalmyn 112:4 - Yn Vible Casherick 1775 1819

⁴ Da’n dooinney crauee ta soilshey brishey magh ayns y dorraghys: t’eh myghinagh, graihagh, as cairagh.

Lioar ny Psalmyn 1765 (Pointed)

⁴ Da’n dooinney crauee ta soilshey brishey magh ayns y dorraghys: t’eh myghinagh, graihagh, as cairagh.

Psalmyn 112:4 ပူးပေါင်းရင်းမြစ်များ

Lioar Yob 11:17

As bee dty vea ny sollys na’n vun-laa; nee dty hoilshey brishey magh myr y voghrey.

Lioar Yob 22:28

Nee oo cooish y ghoaill ayns laue, as hig eh lhiat: as bee’n soilshey sollys er dty raaidyn.

Lioar Yob 29:3

Tra ren e chainle soilshean er my chione, as tra liorish e hoilshey ren mee gimmeeaght trooid dorraghys;

Psalmyn 106:1

O cur-jee booise da’n Chiarn, son t’eh graysoil: as ta e vyghin farraghtyn son dy bragh.

Psalmyn 116:5

Ta’n Chiarn graysoil as cairal: dy jarroo, ta’n Jee ainyn myghinagh.

Psalmyn 145:17

Ta’n Chiarn cairagh ayns ooilley e raaidyn: as casherick ayns ooilley e obbraghyn.

Psalmyn 37:6

Nee eh dty chairys y yannoo cha sollys as y soilshey: as dty ghellal yeeragh myr y vun-laa.

Psalmyn 97:11

Ta soilshey er n’irree son y vooinjer chairagh: as gennallys gherjoilagh dauesyn ta dy chree firrinagh.

Raaghyn Creeney 21:21

Eshyn eiyrys er cairys as myghin, yiow eh bea, ynrickys, as ooashley.

Isaiah 50:10

Quoi ny-vud eu ta goaill aggle roish y Chiarn, ta biallagh da coraa e harvaant, ta shooyl ’sy dorraghys, as fegooish soilshey? lhig da treishteil ayns ennym y Chiarn, as barrant y choyrt er e Yee.

Isaiah 58:10

My nee dty chree meiyghey gys ny accryssee, as dy jean oo magh yn annym seaghnit; eisht nee dty hoilshey brishey magh ayns y dullyr, as bee dty ghorraghys myr y vun-laa:

Isaiah 58:8

Eisht nee dty hoilshey brishey magh myr y voghrey, as nee dty lhaynt dy gerrit cheet er-ash; as bee dty ynrickys er dty chione goll royd, as gloyr y Chiarn goll mayrt er dty chooylloo.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Luke 6:36

Bee-jee er-y-fa shen myghinagh, myr ta’n Ayr eu myrgeddin myghinagh.

Noo Ean 12:46

Ta mish er jeet my hoilshey gys y theihll, quoi-erbee nee credjal aynym’s nagh jean eh tannaghtyn ayns y dorraghys.

Ephesianee 4:32

As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.

Ephesianee 5:15

Jeeagh-jee eisht dy jean shiu gimmeeaght dy tastagh, cha nee myr ommydanyn, agh myr sleih creeney,

Ephesianee 5:9

(Son ta mess y Spyrryd shassoo ayns dy chooilley vieys, as cairys, as firrinys),

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 3:10

Liorish shoh ta cloan Yee er nyn gronnaghey voish cloan y drogh-spyrryd: Quoi-erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:7

Chloan veggey, ny lhig da dooinney erbee shiu y volley: eshyn ta jannoo cairys, t’eh cairagh, dy jarroo myr t’eshyn cairagh.