Psalmyn 110:6 - Yn Vible Casherick 1775 1819

⁶ Ver eh briwnys mastey ny ashoonyn; lhieenee eh ny ynnydyn lesh ny kirp marroo: as ard-reiltee ymmodee cheeraghyn y chur fo-chosh.

Lioar ny Psalmyn 1765 (Pointed)

⁶ Ver eh briwnys mastey ny ashoonyn; lhieenee eh ny ynnydyn lesh ny kirp marroo: as ard-reilltee ymmodee cheeraghyn y chur fo-chosh.

Psalmyn 110:6 ပူးပေါင်းရင်းမြစ်များ

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Psalmyn 68:21

Nee Jee broo kione e noidyn: as claigin renaigagh lheid y fer as ta goll kinjagh er e hoshiaght ayns e vee-chraueeaght.

Psalmyn 68:22

Ta’n Chiarn er ghra, Ver-yms lhiam my phobble reesht, myr ren mee veih Basan: my vooinjer hene ver-ym lhiam reesht myr ren mee keayrt dy row veih diunid ny marrey;

Isaiah 11:3

As bee eh jeh tushtey dowin ayns aggle y Chiarn: as cha jean eh briwnys lurg shilley e hooillyn, chamoo ver eh oghsan lurg clashtyn e chleayshyn:

Isaiah 2:4

As nee eh briwnys mastey ny ashoonyn, as ver eh oghsan da ymmodee pobble; as obbree ad seose nyn gliwenyn gys yiarnyn-shesheree, as nyn shleiyghyn gys yiarnyn-foldyragh: cha jean ashoon cliwe y hroggal seose noi ashoon, chamoo nee ad gynsaghey yn keird-caggee ny smoo.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 42:4

Cha jean eh failleil ny coayl e chree, derrey t’eh er hoiaghey seose briwnys er y thalloo: as nee ny ellanyn farkiaght son e leigh.

Isaiah 51:5

Ta my ynrickys er-gerrey; ta my haualtys er n’gholl magh, as nee niart my roihaghyn briwnys y pobble: nee ny ellanyn farkiaght orrym, as er my roih ver ad nyn marrant.

Isaiah 66:24

As hed ad magh, dy yeeaghyn er kirp marroo ny deiney t’er n’irree-magh m’oï; son cha vow yn veishteig oc baase, chamoo vees yn aile oc er ny vooghey; as bee ad dwoaiagh da dy chooilley chretoor.

Ezekiel 39:4

Nee oo tuittym er sleityn Israel, oo hene as ooilley dty heshaghtyn-caggee, as yn pobble ta mayrt: ver-ym oo son beaghey da dy chooilley cheint dy eeanlee jollyssagh, as son bee da maase y vagheragh.

Micah 4:3

As nee eh briwnys mastey ymmodee pobble, as ver eh oghsan da ashoonee foddey jeh, as bwoaillee ad nyn gliwenyn ayns coulteryn, as ny shleiyghyn oc ayns yiarnyn folderagh: cha jean ashoon troggal seose cliwe noi ashoon, chamoo nee ad arragh caggey y ynsagh.

Habakkuk 3:13

Hie oo magh son saualtys dty phobble, eer son saualtys dty er-ooilit; t’ou er lhottey kione thie ny mee-chrauee, liorish rassey yn undin gys y chreg lhome. Selah.

Noo Ean 5:22

Son cha vel yn Ayr briwnys dooinney erbee; agh t’eh er livrey dy chooilley vriwnys gys y Mac:

Ashlish 14:20

As va’n press-feeyney stampit cheu-mooie jeh’n ard-valley, as ren fuill ass y phress-feeyney, roshtyn gys eer streeanyn ny gabbyl, son daa cheead meeilley.

Ashlish 19:11

As honnick mee niau foshlit as cur-my-ner, cabbyl bane: as va eshyn va markiagh er enmyssit Firrinagh as Ynrick, as ayns cairys t’eh briwnys as jannoo caggey.

1 Samuel 2:10

Bee noidyn y Chiarn brisht dy peeshyn: veih niau nee eh taarnaghey orroo: nee’n Chiarn briwnys ardjyn sodjey magh y theihll; as ver eh niart da e ree, as troggee eh dy ard eairk e er-ooilit.