Psalmyn 11:5 - Yn Vible Casherick 1775 1819

⁵ Ta ny sooillyn echey goaill tastey jeh’n voght: as ferroogh e hooillyn prowal cloan gheiney.

Lioar ny Psalmyn 1765 (Pointed)

⁵ Ta ny sooillyn echey goaill tastey jeh’n voght: as ferroogh e hooillyn prowal cloan gheiney.

Psalmyn 11:5 ပူးပေါင်းရင်းမြစ်များ

Genesis 22:1

As haink eh gy-kione, lurg ny reddyn shoh, dy ren Jee credjue Abraham y phrowal, as dooyrt eh rish Abraham. As dreggyr eh, Cur-my-ner, ta mee ayns shoh.

Psalmyn 10:3

Son ta’n dooinney mee-chrauee er voggyssagh jeh yeearree e chree hene: as loayrt dy mie jeh’n er sayntoilagh ta feoh ec Jee er.

Psalmyn 139:1

O Hiarn, t’ou er my ronsaghey magh, as er my hoiggal: shione dhyt’s my hoie-sheese, as my irree-seose; t’ou toiggal my smooinaghtyn foddey ro-laue.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Psalmyn 21:8

Nee ooilley dty noidyn gennaghtyn dty laue: yiow dty laue yesh adsyn magh ta dwoaie oc ort.

Psalmyn 26:2

Feysht mee, O Hiarn, as prow mee: ronsee my veeghyn as my chree.

Psalmyn 5:6

Nee uss adsyn y stroie ta loayrt breagyn: ver y Chiarn feoh chammah da’n dooinney folley as da’n er molteyragh.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Jeremiah 12:8

Ta my eiraght dooys myr lion ’sy cheyll; t’eh cur magh e choraa m’oï: shen-y-fa ta mee er chur dwoaie da.

Jeremiah 20:12

Agh, O Hiarn ny sheshaghtyn flaunyssagh, ta prowal yn vooinjer chairal, as cur-my-ner ny meeghyn as y cree, lhig dou fakin dty cherraghey trome orroo: son hood’s ta mee er n’osley my chooish.

Zechariah 11:8

Yiare mee jeh three bochillyn myrgeddin ’syn un vee, as v’adsyn dwoaie my annym’s, as va mish myrgeddin dwoaie yn annym ocsyn.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Malachi 3:3

As nee eh soie goll-rishyn ta glenney as scarrey argid veih’n dross: as nee eh mec Levi y chasherickey, as ad y ghlenney myr airh as argid, dy vod ad oural gys y Chiarn y hebbal ayns ynrickys.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Peddyr 4:12

Chaarjyn ghraihagh, ny gow-jee yindys mychione y trial aileagh ta ry-hoi prowal shiu, myr dy beagh red ennagh joarree er daghyrt diu: