Psalmyn 11:4 - Yn Vible Casherick 1775 1819

⁴ Ta’n Chiarn ayns e hiamble casherick: ta stoyl-reeoil y Chiarn ayns niau.

Lioar ny Psalmyn 1765 (Pointed)

⁴ Ta’n Chiarn ayns e hiamble casherick: ta stoyl-reeoil y Chiarn ayns niau;

Psalmyn 11:4 ပူးပေါင်းရင်းမြစ်များ

1 Recortyssyn 17:5

Son cha vel mee er chummal ayns thie er-dyn laa hug mee lhiam seose Israel, derrey’n laa jiu; agh ta mee er ve scughey veih boayl dy boayl, as veih cabbane dy cabbane.

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

Lioar Yob 24:23

Ga dy vel eh jeeaghyn er hene dy ve ayns sauchys, as cur e varrant er; ny-yeih ta e hooillyn er nyn raaidyn.

Psalmyn 103:19

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

Psalmyn 113:5

Quoi ta casley rish y Chiarn y Jee ain, ta e ynnyd-vaghee cha ard: as ny-yeih t’eh ginjillaghey eh-hene dy chur-my-ner ny reddyn t’ayns niau as er y thalloo?

Psalmyn 139:23

Prow mee, O Yee, as ronsee grunt my chree: jean m’y hirrey magh, as feysht my smooinaghtyn.

Psalmyn 14:2

T’ad er jeet dy ve feer vee-chrauee, as dwoaiagh ayns nyn yannoo: cha vel unnane erbee ta jannoo dy mie, cha vel unnane.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 2:4

Eshyn ta baghey ayns niau ghearys orroo lesh craid: bee ad ec y Chiarn ayns faghid.

Psalmyn 33:13

Yeeagh y Chiarn neose veih niau, as chur eh my-ner ooilley cloan gheiney: veih stoyl-reeoil e ynnyd-vaghee ta sooill echey er cummaltee yn theihll.

Psalmyn 44:21

My ta shin er yarrood ennym y Jee ain, as er chummal seose nyn laueyn gys Jee erbee joarree: nagh jean Jee eh y ronsaghey magh? son ta fys echey er eer folliaghtyn y chree.

Psalmyn 66:7

O cur-jee moylley da’n Jee ain, shiuish phobble: as cur-jee er coraa e voylley dy ve er ny chlashtyn;

Psalmyn 9:11

O moylley-jee yn Chiarn ta baghey ayns Sion: soilshee-jee da’n pobble cre t’eh er n’yannoo.

Raaghyn Creeney 15:3

Ta sooillyn y Chiarn ayns dy chooilley voayl, cur-my-ner chammah sie as mie.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Micah 1:2

Clasht-jee, ooilley shiuish phobble: eaisht, O halloo, as ooilley ny t’ayn: as lhig da’n Chiarn Jee ve feanish nyn ’oï, eer y Chiarn voish e hiamble casherick.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Zechariah 2:13

Lhig da ooilley sheelnaue ve nyn dhost kiongoyrt rish y Chiarn: son t’eh er hroggal seose eh-hene ayns e ynnyd casherick.

Noo Mian 23:21

As quoi-erbee looys liorish y chiamble, t’eh loo liorish y chiamble, as liorishyn ta cummal ayn.

Noo Mian 5:34

Agh ta mish gra riu, Ny loo-jee er aght erbee; edyr liorish niau, son she stoyl-reeoil Yee eh:

Jannoo 7:49

Niau my stoyl-reeoil, as y thalloo stoyl my choshey: cre’n thie hroggys shiu dooys? ta’n Chiarn gra: ny cre vel ynnyd my haaue?

2 Thessalonianee 2:4

Quoi ta soiaghey eh-hene seose noi, as troggal eh-hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Ashlish 4:2

As chelleeragh va mee ayns y Spyrryd; as cur-my-ner, va stoyl-reeoil soit ayns niau, as hoie fer er y stoyl-reeoil.