Psalmyn 109:5 - Yn Vible Casherick 1775 1819

⁵ Nee dooinney mee-chrauee reill y ymmyrkey harrish: as shassee Noid-ny-hanmey ec e laue yesh.

Lioar ny Psalmyn 1765 (Pointed)

⁵ Nee dooinney mee-chrauee reill y ymmyrkey harrish: as shassee Noid-ny-hanmey ec e laue yesh.

Psalmyn 109:5 ပူးပေါင်းရင်းမြစ်များ

Genesis 44:4

As tra v’ad er n’gholl magh ass yn ard-valley, as nagh row ad foast foddey jeh, dooyrt Joseph rish e stiurt, Seose, eiyr er ny deiney; as tra verrys oo orroo, abbyr roo, Cre’n-fa ta shiu er chooilleeney olk son mie?

2 Samuel 15:12

As hug Absalom fys son Ahitophel yn Gilonite, fer-coyrlee Ghavid, veih e ard-valley, eer veih Giloh, dy ve mârish ec yn oural. As va sheshaght y choyrle-follit niartal: son ren y pobble bishaghey gagh laa, as cheet stiagh gys Absalom.

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

Psalmyn 38:20

Adsyn neesht ta cooilleeney olk son mie, t’ad m’oï: er-yn-oyr dy vel mee geiyrt er shen ny ta mie.

Raaghyn Creeney 17:13

Quoi-erbee chooilleenys olk er son mie, nee’n olk lhiantyn gys e hie.

Jeremiah 18:20

Nee olk vees er ny chooilleeney son mie? son t’ad er chleiy ooig son m’annym. Cooinee dy hass mish seose kiongoyrt rhyt’s dy loayrt ass y lieh oc, as dy hyndaa ersooyl voue dty yymmoose.

Noo Luke 6:16

As Judas braar Yamys, as Yuaase Iscariot, va myrgeddin yn traitoor.

Noo Ean 13:18

Cha vel mee loayrt j’iu ooilley; ta fys aym quoi ta mee er reih: agh dy vod y scriptyr ve cooilleenit, T’eshyn ta gee arran mârym, er hroggal e voyn m’oï.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?