Psalmyn 109:3 - Yn Vible Casherick 1775 1819

³ Son y ghraih v’aym orroosyn, cur-my-ner, t’ad nish shassoo m’oï: agh ta mish dy chur mee hene seose gys padjer.

Lioar ny Psalmyn 1765 (Pointed)

³ Son y ghraih v’aym orroosyn, cur-my-ner, t’ad nish shassoo m’oï: agh ta mish dy chur mee hene seose gys padjer.

Psalmyn 109:3 ပူးပေါင်းရင်းမြစ်များ

2 Samuel 15:12

As hug Absalom fys son Ahitophel yn Gilonite, fer-coyrlee Ghavid, veih e ard-valley, eer veih Giloh, dy ve mârish ec yn oural. As va sheshaght y choyrle-follit niartal: son ren y pobble bishaghey gagh laa, as cheet stiagh gys Absalom.

Psalmyn 17:11

T’ad lhie farkiaght ayns y raad ain er dy chooilley heu: chyndaa nyn sooillyn sheese gys y thalloo.

Psalmyn 22:12

Ta ymmodee dew er jeet mygeayrt-y-moom: ta terriu lajer Vasan er hoiaghey orrym er dagh cheu.

Psalmyn 35:19

O ny lhig dauesyn ta my noidyn boggyssagh harrym dy aggairagh: chamoo lhig daue meekey lesh nyn sooillyn ta dwoaie oc orrym gyn oyr.

Psalmyn 35:20

As cre’n-oyr? cha vel y ghlare oc son shee: agh t’ad soit er goan scammyltagh noi ocsyn ta sheeoil ayns y cheer.

Psalmyn 35:7

Son ren ad dy follit soiaghey nyn ribbey dy my stroie gyn oyr: dy jarroo fegooish oyr ren ad ooig son m’annym.

Psalmyn 69:4

Adsyn ta dwoaie oc orrym gyn oyr, t’ad ny shlee na renaigyn my ching: adsyn ta my noidyn, as bailliu mish ta neu-chyndagh y stroie, t’ad niartal.

Psalmyn 88:17

Haink ad cruin mygeayrt-y-moom gagh laa myr thooilley: as ren ad m’y hionney cooidjagh er dy chooilley heu.

Hosea 11:12

Ta Ephraim dy my chruinnaghey mygeayrt lesh breagyn, as thie Israel lesh molteyrys: agh ta Judah foast reill marish Jee, as t’eh ynrick marish ny nooghyn.

1 Samuel 26:18

As dooyrt eh, Cre’n-fa ta my hiarn myr shoh geiyrt er e harvaant? son cre ta mee er n’yannoo? ny cre’n olk t’ayns my laue?