Psalmyn 109:12 - Yn Vible Casherick 1775 1819

¹² Bee’n sluight echey er ny chur naardey: as ayns yn nah heeloghe bee’n ennym echey dy bollagh er ny yarrood.

Lioar ny Psalmyn 1765 (Pointed)

¹² Bee’n sluight echey er ny chur naardey: as ayns yn nah heeloghe, bee’n ennym echey dy-bollagh er ny yarrood.

Psalmyn 109:12 ပူးပေါင်းရင်းမြစ်များ

Lioar Yob 5:4

Ta e chloan foddey veih sauchys, t’ad er nyn gheyrey ’sy yiat, chamoo ta fendeilagh erbee oc.

Isaiah 13:18

Lesh nyn mhow’ghyn myrgeddin nee ad ny deiney aegey y varroo; as cha bee erreeish oc er mess y vreïn; chamoo vees nyn sooill chymmoil er cloan aegey.

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Isaiah 9:17

Shen-y-fa cha bee veg y taitnys ec y Chiarn ayns ny deiney aegey oc, chamoo vees myghin echey er y chloan gyn ayr, as ny mraane-treoghe: son t’ad ooilley crauee-oalsey as nyn ghrogh-yantee as ta dy chooilley veeal loayrt ommijys. Son ooilley shoh cha vel e chorree chyndaït ersooyl, agh ta e laue foast er ny heeyney magh.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Noo Luke 6:38

Jean-jee coyrt, as bee eh er ny choyrt diu; towse mie, jingit sheese, as criht cooidjagh, as roie harrish, ver deiney diu ayns nyn oghrish. Son lesh y towse cheddin ta shiu towse, bee eh er ny howse diu reesht.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.