Psalmyn 109:1 - Yn Vible Casherick 1775 1819

¹ Ny bee uss dty host, O Yee my voylley: son ta beeal ny mee-chrauee, dy jarroo, ta beeal yn vooinjer volteyragh er ny osley m’oï.

Lioar ny Psalmyn 1765 (Pointed)

¹ Ny bee uss dty host, O Yee jeh my voylley: son ta beeall ny mee-chrauee, dy-jarroo, ta beeall yn vooinjer volteyragh er ny osley m’oï.

Psalmyn 109:1 ပူးပေါင်းရင်းမြစ်များ

Psalmyn 118:28

She uss my Yee, as ver-ym booise dhyt: uss my Yee, as ver-ym moylley dhyt.

Psalmyn 28:1

Hood’s nee’m geamagh, O Hiarn my niart: ny jean beg y hoiaghey jee’m, er-aggle mannagh jean oo m’y chlashtyn, dy bee’m casley roosyn ta goll sheese gys yn oaie.

Psalmyn 83:1

Ny jean dty hengey y chummal, O Yee, ny bee kinjagh dty host: ny freill dty chooney voïn, O Yee.

Psalmyn 83:2

Son cur-my-ner, ta dty noidyn baggyrt dy ard: as t’adsyn ta feoh oc ort’s er droggal seose nyn ghing.

Exodus 15:2

Ta’n Chiarn my niart as my arrane, hug eh dou livrey-ys: eshyn my Yee, as trog-yms cummal casherick da; Jee my ayraghyn, as ver-ym ooashley da.

Isaiah 42:14

S’foddey ta mee er ve my host; ta mee er lhiggey shaghey, as dreill mee orrym pene: nish ver-ym eam gyere myr ben er-troailt; nee’m stroie as sluggey seose er-y-chooyl.

Jeremiah 17:14

Jean mish y lheihys, O Hiarn, as bee’m er my lheihys; saue mee, as bee’m er my hauail: son she uss my voylley.

Deuteronomy 10:21

Eshyn dty voylley, as eshyn y Jee ayd, t’er n’yannoo er dty hon ny reddyn mooarey as atchimagh shoh, ta dty hooillyn er vakin.