Psalmyn 108:6 - Yn Vible Casherick 1775 1819

⁶ Dy vod dty chloan reiht v’er nyn livrey: lhig da dty laue yesh ad y hauail, as clasht uss rhym’s.

Lioar ny Psalmyn 1765 (Pointed)

⁶ Dy vod dty chloan reiht v’er nyn livrey: lhig da dty laue yesh ad y hauail, as clasht uss rhyms.

Psalmyn 108:6 ပူးပေါင်းရင်းမြစ်များ

2 Samuel 12:25

As hug eh fys lesh Nathan y phadeyr; as denmys eh eh Jedidiah, son y ghraih v’ec y Chiarn er.

1 Reeaghyn 18:24

As eïe-jee shiuish er ennym ny jeeghyn euish; as eïe-yms er ennym y Chiarn: as y Jee nee gansoor liorish aile, lhig dasyn ve yn Jee. As dreggyr ooilley’n pobble, as dooyrt ad, Ta shen loayrit dy mie.

1 Reeaghyn 18:26

As ghow ad yn dow va er ny chur daue, as daarlee ad eh, as deïe ad er ennym Vaal veih’n voghrey dy jarroo gys yn vun-laa, gra, O Vaal, clasht rooin! Agh cha row coraa, ny fer erbee ren gansoor. As ren ad lheimyragh mygeayrt yn altar v’ad er droggal.

1 Reeaghyn 18:29

As haink eh gy-kione lurg y vun-laa, dy jagh ad er myr ayns aght phadeyrys, derrey traa chebbal yn oural-fastyr: agh cha row edyr coraa, ny fer erbee dy ansoor, ny fer erbee dy choyrt geill daue.

Psalmyn 54:1

Saue mee, O Yee, er graih dt’ennym: as gow my phaart ayns dty niart.

Psalmyn 57:6

Soie oo hene seose, O Yee, erskyn ny niaughyn: as dty ghloyr erskyn ooilley’n seihll.

Exodus 15:6

Ta dty laue yesh, O Hiarn, er ve gloyroil ayns pooar: ta dty laue yesh, O Hiarn, er vroo yn noid dy myn.

Isaiah 65:24

As hig eh gy-kione, roish my jean adsyn geamagh, dy jean-yms freggyrt; as choud as t’ad foast loayrt, neem’s clashtyn.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur-my-ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht-jee rishyn.

Noo Mian 3:17

As cur-my-ner, coraa veih niau, gra, Shoh my vac ennoil, jeh ta mee dy mooar soiaghey.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er-graihagh:

Deuteronomy 33:12

As mychione Benjamin dooyrt eh, Nee eshyn shynney lesh y Chiarn cummal dy sauchey liorish; as nee’n Chiarn eshyn y choodaghey fey-ny-laa, as fendeil eh eddyr e gheayltyn.

Colossianee 3:12

Cur-jee erriu er-y-fa shen (myr cloan reiht Yee, casherick as graihagh) meeaghyn dy vyghin, kenjallys, injillid-aigney, meenid, surranse-foddey;