Psalmyn 107:3 - Yn Vible Casherick 1775 1819

³ As er nyn jaglym ass ny cheeraghyn, veih’n niar, as veih’n neear: veih’n twoaie, as veih’n jiass.

Lioar ny Psalmyn 1765 (Pointed)

³ As er nyn jaglym ass ny cheeraghyn, veih’n niar, as veih’n neear: veih’n tooaie, as veih’n jiass.

Psalmyn 107:3 ပူးပေါင်းရင်းမြစ်များ

Isaiah 49:12

Cur-my-ner, hig ad shoh veih foddey; as cur-my-ner, ad shen veih’n twoaie as veih’n neear; as ad shid veih cheer Sinim.

Isaiah 54:7

Son earish yiare ta mee er dty hreigeil: agh lesh myghinyn mooarey nee’m oo y ghoaill stiagh.

Isaiah 56:8

Ta’n Chiarn Jee, ta chaglym cooidjagh eebyrtee Israel, gra, Foast chagl-yms t’ooilley huggey, mâroosyn ta hannah er jeet stiagh huggey.

Jeremiah 29:14

As yiow shiu mish foayroil diu, ta’n Chiarn dy ghra; as chyndaa-yms ersooyl yn cappeeys eu, as neem’s shiu y haglym ass dy chooilley ashoon, as veih dy chooilley ynnyd, raad ta mee er n’eiyrt shiu, dooyrt y Chiarn; as ver-ym lhiam shiu reesht gys y voayl veih shen deiyr mee shiu gys cappeeys.

Jeremiah 31:10

Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.

Jeremiah 31:8

Cur-my-ner, ver-ym lhiam ad veih’n cheer twoaie, as nee’m ad y haglym veih ardjyn sodjey magh y thallooin, as mâroosyn y doal as y baccagh, y ven torragh, as ish ta er-gerrey da’n traa dy cheilley: nee sheshaght vooar chyndaa reesht gys shen.

Ezekiel 20:34

As ver-ym lhiam shiu magh veih’n pobble, as neem’s shiu y haglym ass ny cheeraghyn raad va shiu er nyn skeayley, lesh laue lajer, as lesh roih sheeynt magh, as lesh eulys trome.

Ezekiel 36:24

Son goyms shiu veih mastey ny ashoonee, as chaglym shiu ass ooilley ny cheeraghyn, as ver-ym lhiam shiu gys nyn dhalloo hene.

Ezekiel 39:27

Erreish dou v’er chur lhiam ad reesht veih’n pobble, as er jaglym ad ass cheeraghyn nyn noidyn, as dy bee’m er my chasherickey ayndoo, ayns shilley ymmodee ashoonyn;

Deuteronomy 30:3

Dy jean y Chiarn dty Yee chyndaa dty chappeeys, as bee chymmey echey ort, as nee eh meiyghey, as chaglym shiu ass dy chooilley ashoon, nyn vud ta’n Chiarn dty Yee er dty skeayley.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;