Psalmyn 106:7 - Yn Vible Casherick 1775 1819

⁷ Cha dug nyn ayraghyn tastey da dty yindyssyn ayns Egypt, chamoo dreill ad dty vieys vooar ayns cooinaghtyn: agh v’ad mee-viallagh ec yn aarkey, dy jarroo ec y Faarkey Jiarg.

Lioar ny Psalmyn 1765 (Pointed)

⁷ Cha dug nyn ayraghyn tastey da dty yindyssyn ayns Egypt, cha-moo dreill ad dty vieys vooar ayns cooinaghtyn: agh v’ad mee-viallagh ec yn aarkey, dy-jarroo ec y faarkey Jiarg.

Psalmyn 106:7 ပူးပေါင်းရင်းမြစ်များ

Psalmyn 105:5

Cooinee-jee er ny obbraghyn yindyssagh t’eh er n’yannoo: e virrilyn, as briwnyssyn e veeal.

Psalmyn 106:45

Livrey uss shinyn, O Hiarn nyn Yee, as chaggil shin veih mastey ny ashoonyn: dy vod mayd booise y chur da dty Ennym casherick, as imraa gloyroil y yannoo jeh dty voylley.

Psalmyn 5:7

Agh er my hon’s, hig-ym gys dty hie, er eer ymmodee dty vyghin: as ayns dty aggle ver-yms ooashley kiongoyrt rish dty hiamble casherick.

Psalmyn 51:1

Jean myghin orrym, O Yee, lurg dty vieys vooar: cordail rish ymmodee dty vyghinyn cur ersooyl my loghtyn.

Psalmyn 78:11

Cha dreill ad conaant Yee: as cha jinnagh ad gimmeeaght ayns e leigh;

Psalmyn 78:42

Hyndaa ad back as ren ad Jee y vrasnaghey: as ghreinnee ad yn Er Casherick ayns Israel.

Raaghyn Creeney 1:22

Caïd, shiuish vee-hushtee ver shiu rish mee-hushtey? as craidoilee goaill taitnys ayns nyn graid, as ny ommydanyn cur feoh da tushtey?

Isaiah 42:20

T’ou fakin ymmodee reddyn, agh cha vel oo goaill tastey; fosley dty chleayshyn, agh cha vel oo clashtyn.

Isaiah 44:18

Cha vel tushtey ny toiggal oc: son t’eh er ghooney seose nyn sooillyn, nagh vod ad fakin; as nyn greeaghyn, nagh vod ad toiggal.

Isaiah 63:7

Neem’s kenjallys-ghraihagh yn Chiarn y hoilshaghey magh, as moylley yn Chiarn, cordail rish ooilley ny ta’n Chiarn er stowal orrin, as y vieys vooar gys thie Israel, t’eh er yiootal orroo cordail rish e vyghinyn, as cordail rish ymmodee e chenjallys ghraihagh.

Dobberan 3:32

Agh ga dy vel eh seaghney, foast nee eh chymmey ’ghoaill cordail rish earroo e vyghinyn.

Noo Mark 4:12

Son fakin hee ad, agh cha der ad tastey, as clashtyn cluinnee ad, agh cha gow ad tushtey; er-aggle ec traa erbee dy beagh ad er nyn jyndaa, as dy beagh nyn beccaghyn er nyn leih daue.

Ephesianee 2:11

Shen-y-fa cooinee-jee myr va shiu ayns traa dy row Ashoonee ayns yn eill, ta enmyssit an-ghiarey-chymmylt, liorish shen ta enmyssit giarey-chymmylt ayns yn eill jeant liorish laueyn;

Deuteronomy 15:15

As nee oo cooinaghtyn dy r’ou hene ayns bondiaght ayns cheer Egypt, as dy ren y Chiarn dty Yee dty livrey: shen-y-fa ta mee coyrt yn red shoh er dty churrym jiu.

Deuteronomy 29:4

Ny-yeih, cha vel y Chiarn er choyrt diu cree dy hoiggal, ny sooillyn dy akin, ny cleayshyn dy chlashtyn, gys y laa jiu.