Psalmyn 106:3 - Yn Vible Casherick 1775 1819

³ Bannit t’adsyn ta kinjagh freayll briwnys: as jannoo cairys.

Lioar ny Psalmyn 1765 (Pointed)

³ Bannit t’adsyn ta kinjagh freayll briwnys: as jannoo cairys.

Psalmyn 106:3 ပူးပေါင်းရင်းမြစ်များ

Psalmyn 119:106

Ta mee er vreearrey, as ta mee dy shickyr kiarit: dy reayll dty vriwnyssyn.

Psalmyn 119:112

Ta mee er chroymmey my chree dy chooilleeney dty lattyssyn dy kinjagh: dy jarroo gys y jerrey.

Psalmyn 119:20

Ta m’annym brishey magh son y ghraih feer jeean: t’eck dy kinjagh gys dt’oardaghyn.

Psalmyn 119:44

Myr shen freill-ym dy kinjagh dty leigh: dy feer, son dy bragh as dy bragh.

Psalmyn 15:2

Eshyn dy jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

Psalmyn 25:7

Graysoil as cairal ta’n Chiarn: shen-y-fa ynsee eh da peccee yn raad cair.

Isaiah 64:5

T’ou goll ny whail-syn ta goaill boggey as jannoo cairys; adsyn ta cooinaghtyn ort ayns dty raaidyn: cur-my-ner, t’ou uss jymmoosagh; son ta shin er n’yannoo peccah: ayndoosyn ta shin er hannaghtyn foddey, as bee mayd er nyn sauail.

Noo Mark 3:35

Son quoi-erbee nee aigney Yee, she eshyn my vraar, as my huyr, as my voir.

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Luke 11:42

Agh smerg diuish Phariseeyn: son ta shiu jagheenys mynthey, rue, as dy chooilley horch dy lossreeyn, agh s’beg ta shiu soiaghey jeh briwnys as graih Yee: ad shoh lhisagh shiu v’er n’yannoo, gyn faagail y chooid elley gyn jannoo.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Noo Ean 15:14

She my chaarjyn shiuish, my nee shiu ny ta mish dy harey diu.

Jannoo 24:16

As er-yn-oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd liastey.

Deuteronomy 11:1

Shen-y-fa ver oo graih da’n Chiarn dty Yee, as nee oo freayll e churrym, e lattyssyn, e vriwnyssyn, as e annaghyn dy kinjagh.

Deuteronomy 5:19

Chamoo nee oo geid.

Jamys 1:25

Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard-valley.

Ashlish 7:15

T’ad er-y-fa shen kiongoyrt rish stoyl-reeoil Yee, as dy hirveish eh oie as laa ayns e hiamble: as nee eshyn ta ny hoie er y stoyl-reeoil cummal nyn mast’ oc.