Psalmyn 106:1 - Yn Vible Casherick 1775 1819

¹ O cur-jee booise da’n Chiarn, son t’eh graysoil: as ta e vyghin farraghtyn son dy bragh.

Lioar ny Psalmyn 1765 (Pointed)

¹ O cur-jee booise da’n Chiarn, son t’eh graysoil: as ta e vyghin farraghtyn son dy-bragh.

Psalmyn 106:1 ပူးပေါင်းရင်းမြစ်များ

1 Recortyssyn 16:34

O cur-jee booise da’n Chiarn; son s’mie t’eh: son ta e vyghin farraghtyn son dy bragh.

1 Recortyssyn 16:41

As mâroosyn Heman as Jeduthun, as ny deiney reiht elley, va enmyssit, dy choyrt booise da’n Chiarn, son dy vel e vyghin farraghtyn son dy bragh;

Ezra 3:11

As hie ad lesh arraneyn-moyllee gansoor y cheilley, coyrt moylley as booise da’n Chiarn; er-yn-oyr dy vel eh graysoil, son ta e vyghin farraghtyn son dy bragh gys Israel. As dyllee ooilley’n pobble lesh ard choraa, tra hug ad moylley da’n Chiarn, er-yn-oyr dy row undin thie’n Chiarn layit.

Psalmyn 103:17

Agh ta mieys myghinagh y Chiarn farraghtyn son dy bragh as dy bragh orroosyn ta goaill aggle roish: as e chairys er cloan chlienney;

Psalmyn 105:1

O cur-jee booise da’n Chiarn, as eïe-jee er yn Ennym echey: insh-jee da’n pobble cre ny reddyn t’eh er n’yannoo.

Psalmyn 107:1

O cur-jee booise da’n Chiarn, son t’eh graysoil: as ta e vyghin farraghtyn son dy bragh.

Psalmyn 118:1

O cur-jee booise da’n Chiarn, son t’eh graysoil: son ta e vyghin farraghtyn son dy bragh.

Psalmyn 119:68

T’ou uss mie as graysoil: O ynsee dou dty lattyssyn.

Psalmyn 135:3

O moylley-jee yn Chiarn, son ta’n Chiarn graysoil: O trog-jee arraneyn-moyllee gys yn Ennym echey, son te eunyssagh.

Psalmyn 136:1

O cur-jee booise da’n Chiarn, son t’eh graysoil: as ta e vyghin farraghtyn son dy bragh.

Jeremiah 33:11

Vees er ny chlashtyn yn coraa dy voggey, as yn coraa dy yennallys; coraa yn dooinney-poosee, as coraa ben y phoosee, yn coraa ocsyn nee gra, Moylley-jee Chiarn ny flaunyssee; son s’mie ta’n Chiarn; son ta e vyghin farraghtyn dy bragh; as yn coraa ocsyn ver lhieu yn oural dy voylley gys thie yn Chiarn. Son ver-yms chyndaa da cappeeys y cheer, myr ec y toshiaght, ta’n Chiarn dy ghra.

Noo Mian 19:17

As dooyrt eshyn rish, Cre’n-fa t’ou genmys mish mie? cha vel ayn ny ta mie, agh unnane, ynrycan Jee: agh my sailt’s goll stiagh ayns bea, freill ny annaghyn.

1 Thessalonianee 5:18

Ayns dagh stayd cur-jee booise: son shoh aigney Yee ayns Creest Yeesey mychione eu.