Psalmyn 104:9 - Yn Vible Casherick 1775 1819

⁹ T’ou er hoiaghey ny cagliaghyn oc nagh jed ad harrish: ny chyndaa reesht dy choodaghey yn thalloo.

Lioar ny Psalmyn 1765 (Pointed)

⁹ T’ow er hoiaghey ny cagliaghyn oc nagh jed ad harrish: ny chyndaa reesht dy choodaghey yn thalloo.

Psalmyn 104:9 ပူးပေါင်းရင်းမြစ်များ

Lioar Yob 26:10

T’eh er hoiaghey cagliagh da ny ushtaghyn, derrey ta’n laa as yn oie cheet dy cheilley.

Psalmyn 33:7

T’eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee.

Isaiah 54:9

Son ta shoh dooys myr va thooilley Noah: son myr ta mee er vreearrey nagh ragh thooilley Noah ny smoo harrish yn seihll; myrgeddin ta mee er vreearrey nagh beign jymmoosagh dt’oï, ny cur oghsan dhyt.

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?