Psalmyn 104:7 - Yn Vible Casherick 1775 1819

⁷ Ec yn oghsan ayd’s t’ad chea ersooyl: ec coraa dty haarnagh ta aggle orroo.

Lioar ny Psalmyn 1765 (Pointed)

⁷ Ec yn oghsan ayds t’ad chea ersooyl: ec coraa dty haarnagh ta aggle orroo.

Psalmyn 104:7 ပူးပေါင်းရင်းမြစ်များ

Genesis 8:1

As chooinee Jee er Noah, as er dagh cretoor bio, as er ooilley yn maase va mârish ’syn arg: as hug Jee er geay dy heidey harrish y thalloo, as ren ny ushtaghyn sloateil.

Psalmyn 106:9

Hug eh sarey da’n aarkey Jiarg myrgeddin, as ve chyrmit seose: myr shen ren eh adsyn y leeideil trooid y diunid, myr trooid yn aasagh.

Psalmyn 18:15

Va ny farraneyn ushtey er nyn vakin, as haink undinyn y theihll rish, lesh dty oghsan, O Hiarn: ec blest ennal dty yymmoose.

Psalmyn 77:18

Va feiyr dty haarnagh er ny chlashtyn dy chooilley raad mygeayrt: ren dty hendreil cur soilshey er y thalloo, va’n ooir er ny ghleashaght, as ooilley er-creau.

Raaghyn Creeney 8:28

Tra ren eh meihaghey ny bodjallyn ’syn yrjey, as towse magh farraneyn y diunid:

Noo Mark 4:39

As dirree eh, as smaghtee eh yn gheay, as dooyrt eh rish y faarkey, Gow fea, bee kiune: as ghow yn gheay fea, as va kiuney vooar ayn.