Psalmyn 104:1 - Yn Vible Casherick 1775 1819

¹ Bannee yn Chiarn, O m’annym: O Hiarn my Yee, t’ou erskyn-towse gloyroil, t’ou er ny choamrey lesh Ard-ooashley as onnor.

Lioar ny Psalmyn 1765 (Pointed)

¹ Bannee yn Chiarn, O m’annym: O Hiarn my Yee, t’ow er-skyn towse gloyroil, t’ow er ny choamrey lesh Ard-ooashley as onnor.

Psalmyn 104:1 ပူးပေါင်းရင်းမြစ်များ

Psalmyn 103:22

O loayr-jee dy mie jeh’n Chiarn, ooilley shiuish e obbraghyn, ayns dy chooilley ynnyd jeh e reiltys: bannee yn Chiarn, O m’annym.

Psalmyn 104:35

Er son peccee, bee adsyn er nyn goyrt mow veih’n thalloo, as hig jerrey er ny mee-chrauee: cur uss moylley da’n Chiarn, O m’annym, cur moylley da’n Chiarn.

Psalmyn 145:3

S’mooar ta’n Chiarn, as yindyssagh, feeu dy v’er ny voylley: ta’n mooadys echey erskyn roshtyn nyn dushtey.

Psalmyn 7:1

O Hiarn my Yee, aynyd’s ta mee er choyrt my hreishteil: saue mee vouesyn ooilley ta jannoo tranlaase orrym, as livrey mee;

Psalmyn 93:1

Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er choamrey eh-hene lesh niart.

Psalmyn 95:3

Son ta’n Chiarn ny Yee mooar: as ny Ree mooar erskyn dy chooilley Yee.

Psalmyn 96:6

Ta gloyr as ooashley ayns e enish: ta pooar as onnor ayns ynnyd e chasherickys.

Isaiah 59:17

Son hug eh er ynrickys myr eilley-broghil, as bayrn-caggee dy haualtys er e chione; as hug eh er garmadyn dy eulys son coamrey, as hug eh mysh graih jeean myr cloagey.

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Daniel 7:9

Yeeagh mee derrey va ny stuill-reeoil soit, as dy ren y chenn-ayr dy laghyn soie, va e gharmad gial myr sniaghtey, as folt e chione myr ollan ghlen: va’n stoyl-reeoil echeysyn myr y lossey aile, as e whueeylyn goll-rish yn aile ta lostey.

Daniel 9:4

As ghow mee padjer gys y Chiarn my Yee, as ghow mee rish my pheccaghyn, as dooyrt mee, O Hiarn, y Jee mooar as atchimagh, freayll y conaant as myghin ny chour ocsyn ta graihagh er, as nyn gour-syn ta freayll e annaghyn:

Habakkuk 1:12

Nagh vel uss er-dy-rieau, O Hiarn my Yee, my er-casherick? cha vow mayd baase: O Hiarn, t’ou er vaagail magh ad son briwnys; as, O Yee niartal, t’ou er chiarail ad cour smaghtaghey.