Psalmyn 103:4 - Yn Vible Casherick 1775 1819

⁴ Ta sauail dty vioys veih toyrt-mow: as dy dty choamrey lesh myghin as kenjallys-ghraihagh;

Lioar ny Psalmyn 1765 (Pointed)

⁴ Ta sauail dty vioys veih toyrt-mow: as dy dty chomm'rey lesh myghin as kenjallys-ghraihagh;

Psalmyn 103:4 ပူးပေါင်းရင်းမြစ်များ

Genesis 48:16

Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

Psalmyn 103:12

Jeeagh cre cha lhean as ta’n shiar veih’n sheear: choud cheddin t’eh er hoiaghey nyn beccaghyn voïn.

Psalmyn 21:3

Son ver oo dasyn ro-laue bannaghtyn dy vieys: as soiaghey attey dy airh ghlen er e chione.

Psalmyn 34:22

Ta’n Chiarn cur feaysley da anmeenyn e harvaantyn: as adsyn ooilley ta cur nyn marrant ersyn, cha bee ad er nyn dreigeil.

Psalmyn 5:12

As lhig dauesyn ooilley ta coyrt nyn dreishteil aynyd’s, boggey ’ghoaill: bee adsyn dy kinjagh coyrt booise, son dy vel oo fendeil ad; adsyn ta graihagh er dt’Ennym, vees lane dy voggey aynyd’s.

Psalmyn 56:13

Son t’ou er livrey m’annym veih baase, as my chassyn veih tuittym: dy voddym gimmeeaght kiongoyrt rish Jee ayns soilshey yn sleih bio.

Psalmyn 65:11

T’ou gushtaghey ny creaghyn eck, t’ou cur fliaghey neose er ny coanyn beggey eck: t’ou boggaghey ee lesh ny bineyn dy ’liaghey, as bannaghey yn mess eck.

Psalmyn 8:5

Ren oo eh ny s’inshley na ny ainleyn: dy choamrey eh lesh gloyr as ooashley.

Isaiah 38:17

Cur-my-ner, ayns ynnyd shee, va mee ayns diunid sproght; agh t’ou uss, O Hiarn, jeh dty ghraih er hayrn my annym veih’n ooig dy loauid: son t’ou er hilgey ooilley my pheccaghyn er cheu dty chooylloo.

Isaiah 54:8

Rish tammylt beg dy chorree hyndaa mee son shallid my eddin voïd; agh lesh kenjallys dy bragh farraghtyn nee’m myghin ort, ta’n Chiarn dty Er-kionnee gra.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

1 Peddyr 5:4

As tra hig yn Ard-vochilley kionfenish, yiow shiu attey dy ghloyr nagh jean fioghey ersooyl.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;