Psalmyn 103:3 - Yn Vible Casherick 1775 1819

³ Ta leih ooilley dty pheccah: as slaanaghey ooilley dty ghoghanyn;

Lioar ny Psalmyn 1765 (Pointed)

³ Ta leih ooilley dty pheccah: as slaanaghey ooilley dty ghoghanyn;

Psalmyn 103:3 ပူးပေါင်းရင်းမြစ်များ

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

Psalmyn 130:4

Agh mayrt’s ta myghin: shen-y-fa bee aggle er ny ghoaill royd.

Psalmyn 130:8

As livreyee eh Israel: veih ooilley e pheccaghyn.

Psalmyn 147:3

T’eh dy lheihys adsyn ta brisht ayns cree: as coyrt medshin dy laanaghey ny doghanyn oc.

Psalmyn 30:2

O Hiarn my Yee, deïe mee hood: as t’ou er my lheihys.

Psalmyn 41:8

Lhig da briwnys baaish cheet magh n’oï: as nish dy vel eh ny lhie, ny lhig da girree seose arragh.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Exodus 15:26

As dooyrt eh, My nee oo geaishtagh dy tastagh rish coraa yn Chiarn dty Yee, as jannoo shen ny ta kiart ayns e hilley, as my ver oo geill da ny saraghyn echey, dy reaylley ooilley e lattyssyn; cha der-ym veg jeh ny doghanyn shen ort’s hug mee er ny Egyptianee: son mish y Chiarn ta cur dhyt dty lhaynt.

Exodus 34:7

Freaylley myghin gour thousaneyn, mial mee-chraueeaght, as loghtyn, as peccah, as nagh jean, er saase erbee, ny kimmee y heyrey: kerraghey peccaghyn ny ayraghyn er y chloan, as er cloan ny chlienney, gys y trass as y chiarroo heeloghe.

Isaiah 33:24

As cha jir y cummaltagh, Ta mee ching: bee drogh-yannoo ny fir-vaghee er ny leih daue.

Isaiah 38:17

Cur-my-ner, ayns ynnyd shee, va mee ayns diunid sproght; agh t’ou uss, O Hiarn, jeh dty ghraih er hayrn my annym veih’n ooig dy loauid: son t’ou er hilgey ooilley my pheccaghyn er cheu dty chooylloo.

Isaiah 43:25

Mish, dy jarroo mish hene eh, ta leih dhyt dty loghtyn er my ghraih hene, as cha gooin-ym er dty pheccaghyn.

Isaiah 53:5

Agh v’eh guint son ny peccaghyn ainyn, v’eh broojit son nyn loghtyn: va kerraghey yn chee ain ersyn; as liorish ny lhottyn echeysyn ta shin er nyn lheihys.

Jeremiah 17:14

Jean mish y lheihys, O Hiarn, as bee’m er my lheihys; saue mee, as bee’m er my hauail: son she uss my voylley.

Earrooyn 12:13

As ghow Moses padjer gys y Chiarn, gra, Jean ee y lheihys nish, O Yee, ta mee guee ort.

Noo Mark 2:5

Tra hug Yeesey tastey da’n chredjue oc, dooyrt eh rish y dooinney ching, Vac, ta dty pheccaghyn er nyn leih dhyt.

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Jamys 5:15

As nee’n phadjer lesh credjue yn aslayntagh y lheihys, as ver y Chiarn bea sodjey da; as my t’eh er n’yannoo peccah, bee eh er ny leih da.