Psalmyn 103:22 - Yn Vible Casherick 1775 1819

²² O loayr-jee dy mie jeh’n Chiarn, ooilley shiuish e obbraghyn, ayns dy chooilley ynnyd jeh e reiltys: bannee yn Chiarn, O m’annym.

Lioar ny Psalmyn 1765 (Pointed)

²² O loayr-jee dy-mie jeh’n Chiarn, ooilley shiuish e obbraghyn, ayns dy-chooilley ynnyd jeh e reilltys: bannee yn Chiarn, O m’annym.

Psalmyn 103:22 ပူးပေါင်းရင်းမြစ်များ

Psalmyn 103:1

Bannee yn Chiarn, O m’annym: as ooilley ny ta cheu-sthie jee’m bannee e Ennym casherick.

Psalmyn 104:1

Bannee yn Chiarn, O m’annym: O Hiarn my Yee, t’ou erskyn-towse gloyroil, t’ou er ny choamrey lesh Ard-ooashley as onnor.

Psalmyn 104:35

Er son peccee, bee adsyn er nyn goyrt mow veih’n thalloo, as hig jerrey er ny mee-chrauee: cur uss moylley da’n Chiarn, O m’annym, cur moylley da’n Chiarn.

Psalmyn 145:10

Ta ooilley dt’obbraghyn dy dty voylley, O Hiarn: as ta dty nooghyn cur booise dhyt.

Psalmyn 145:21

Loayree my veeal jeh moylley’n Chiarn: as lhig da dy chooilley chretoor booise y choyrt da’n Ennym casherick echey son dy bragh as dy bragh.

Psalmyn 146:1

Jean y Chiarn y voylley, O m’annym; choud as s’bio mee ver-ym moylley da’n Chiarn: dy jarroo, choud as vee’m er-mayrn, goym arraneyn-moyllee gys my Yee.

Psalmyn 148:1

O moylley-jee Chiarn niau: moylley-jee eh ayns yn yrjid.

Psalmyn 150:6

Lhig da dy chooilley nhee ta ennal ayn: moylley ’choyrt da’n Chiarn.

Isaiah 43:20

Ver beishtyn y vagher ooashley dou, ny dragonyn as ny hulladyn: son dy vel mee cur ushtaghyn ayns yn aasagh, as awinyn ’syn eaynagh, dy ooraghey my phobble, my vooinjer reiht.

Isaiah 44:23

Trog-jee kiaull, O shiuish niaughyn; son she yn Chiarn t’er n’yannoo eh: yllee-jee, shiuish ayrnyn s’inshley yn thallooin: brish-jee magh ayns kiaulleeaght, shiuish sleityn, O cheyll, as dy chooilley villey t’ayn: son ta’n Chiarn er livrey Jacob, as er ghloyraghey eh-hene ayns Israel.

Isaiah 49:13

Gow-jee arrane, O shiuish niaughyn; as gow uss boggey, O halloo; as brish-jee magh ayns bingys, O leityn; son ta’n Chiarn er gherjaghey e phobble, as bee eh myghinagh da e vooinjer seaghnit.