Psalmyn 103:18 - Yn Vible Casherick 1775 1819

¹⁸ Orroosyn dy jarroo ta freayll e chonaant: as ta smooinaghtyn er e annaghyn dy yannoo ad.

Lioar ny Psalmyn 1765 (Pointed)

¹⁸ Orroosyn dy-jarroo ta freayll e chonaant: as ta smooinaghtyn er e annaghyn dy yannoo ad.

Psalmyn 103:18 ပူးပေါင်းရင်းမြစ်များ

2 Recortyssyn 34:31

As hass y ree ayns e ynnyd, as ren eh conaant fenish y Chiarn, dy immeeaght lurg y Chiarn, as dy reayll e annaghyn, as e recortyssyn, as e lattyssyn lesh ooilley e chree, as lesh ooilley e annym, dy chooilleeney goan y chonaant ta scruit ’sy lioar shoh.

Psalmyn 132:12

Jeh mess dty chorp: neem’s soiaghey er dty stoyl-reeoil.

Psalmyn 25:10

Er graih dt’ennym, O Hiarn: bee myghinagh da my pheccah, son s’mooar te.

Exodus 19:5

Shen-y-fa nish, my ver shiu dy jarroo biallys da my choraa, as freayll my chonaant, bee shiu eisht pobble my chree hene, erskyn dy chooilley phobble; son lhiam’s ooilley’n seihll.

Exodus 24:8

As ghow Moses yn uill as spreih eh eh er y pobble, as dooyrt eh, Cur-jee my-ner, shoh fuill y chonaant, ta’n Chiarn er n’yannoo riuish, mychione ooilley ny goan shoh.

Raaghyn Creeney 3:1

My vac, ny jarrood my leigh; agh lhig da dty chree freayll my annaghyn.

Isaiah 64:4

Son er-dyn toshiaght y theihll cha vel deiney er chlashtyn, ny er hoiggal liorish y chleaysh, chamoo ta sooill er vakin, er-lhimmey jeed’s, O Yee, cre t’eh er chiarail ny chour-syn ta farkiaght er.

Earrooyn 15:40

Dy vod shiu cooinaghtyn er, as cooilleeney ooilley my haraghyn, as ve sleih casherick gys y Jee eu.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Jannoo 24:16

As er-yn-oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Deuteronomy 4:23

Bee-jee er nyn dwoaie, er-aggle dy jarrood shiu conaant y Chiarn nyn Yee, ren eh riu, as nagh jean shiu diu hene jalloo grainnit, ny co-chaslys nhee erbee ta’n Chiarn dty Yee er lhiettal dhyt.

Deuteronomy 7:12

Shen-y-fa hig eh gy-kione, my eaishtys shiu rish ny briwnyssyn shoh, dy reaylley as dy yannoo ad; dy jean y Chiarn dty Yee freayll rhyt’s yn conaant as y myghin vreear eh da dty ayraghyn.

Deuteronomy 7:9

Toig er-y-fa shen, dy nee yn Chiarn dty Yee, yn ynrycan Jee, yn Jee firrinagh, ta cooilleeney conaant, as myghin roosyn ta graihagh er, as freayll e annaghyn, gys thousane sheeloghe;

1 Thessalonianee 4:1

Ny-sodjey na shoh, ta shin guee erriu, vraaraghyn, as coyrlaghey shiu liorish y Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.