Psalmyn 103:14 - Yn Vible Casherick 1775 1819

¹⁴ Son shione da cre jeh ta shin jeant: t’eh cooinaghtyn nagh vel shin agh joan.

Psalmyn Ghavid 1761 (Metrical)

¹⁴ Eh ren shin shione nyn niart, cre te, As cre’n stoo ta shin jeh; Cre cha annoon ta’n dooghys ain, Nagh vel agh ooir as cray.

Lioar ny Psalmyn 1765 (Pointed)

¹⁴ Son shione da cre jeh ta shin jeant: t’eh cooinaghtyn nagh vel shin agh joan.

Psalmyn 103:14 ပူးပေါင်းရင်းမြစ်များ

Genesis 2:7

As ren y Chiarn Jee dooinney y chroo ass joan ny hooirey, as heid eh ayns ny stroanyn echey ennal y vea; as haink dooinney dy ve ny annym bio.

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

Lioar Yob 10:9

Cooinee, ta mee guee ort, dy vel oo er n’yannoo mee jeh’n chray; as der oo lhiat mee reesht gys y joan?

Lioar Yob 13:25

Jean oo broo duillag ta eiyrit noon as noal? as jed oo geiyrt er y stubble chirrym?

Lioar Yob 7:21

As cre’n-fa nagh vel oo pardooney my pheccah, as goaill ersooyl my vee-chairys? son nish nee’m cadley ’sy joan; as nee oo shirrey my lurg ’sy voghrey, agh cha bee’m er-mayrn.

Psalmyn 89:47

Quoi’n dooinney ta bio, nagh vaik y baase: as jean eh yn annym echey y livrey veih laue yn oaie?

Ecclesiastes 12:7

Eisht nee’n joan chyndaa reesht gys yn ooir, myr ve; as nee’n spyrryd chyndaa reesht gys Jee veih haink eh.

Isaiah 29:16

Dy firrinagh bee shoh yn camlaagys euish er ny choontey myr cray yn phasheyder: son jean yn obbyr gra mychione-syn ren eh, Cha ren eshyn mee? ny jean yn saagh cummit gra mychione-syn ren cummey eh, V’eh gyn tushtey?