Psalmyn 102:2 - Yn Vible Casherick 1775 1819

² Ny follee dt’eddin voym ayns earish my heaghyn: croym dty chleayshyn hym tra ta mee geamagh; O eaisht rhym, as shen dy feer leah.

Lioar ny Psalmyn 1765 (Pointed)

² Ny follee dt’eddin voym ayns earish my heaghyn: cromm dty chleayshyn hym tra ta mee geamagh; O eaisht rhym, as shen dy feer leah.

Psalmyn 102:2 ပူးပေါင်းရင်းမြစ်များ

Lioar Yob 34:29

Tra t’eshyn cur shee, quoi eisht oddys jannoo anvea? as tra t’eh follaghey e eddin, quoi eisht oddys cur-my-ner eh? edyr eh ve jeant noi slane ashoon, ny noi dooinney ny-lomarcan:

Lioar Yob 7:21

As cre’n-fa nagh vel oo pardooney my pheccah, as goaill ersooyl my vee-chairys? son nish nee’m cadley ’sy joan; as nee oo shirrey my lurg ’sy voghrey, agh cha bee’m er-mayrn.

Psalmyn 104:29

Tra t’ou follaghey dt’eddin, t’ad seaghnit: tra t’ou goaill ersooyl yn ennal oc, t’ad geddyn baase, as t’ad chyndaït reesht gys nyn ooir;

Psalmyn 13:1

Caïd nee oo my yarrood, O Hiarn, nee son dy bragh? caïd nee oo follaghey dt’eddin voym?

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 17:1

Eaisht rish cairys my chooish, O Hiarn, smooinee er my accan: as clasht rish my phadjer, nagh vel goll magh ass meillyn molteyragh.

Psalmyn 22:19

Agh ny bee uss foddey voym, O Hiarn: she uss my chemmyrk; jean siyr dy chooney lhiam.

Psalmyn 27:9

Ta my chree er yannoo imraa jeed’s; Shir-jee my eddin: Dt’eddin, Hiarn, neem’s y hirrey.

Psalmyn 31:2

Croym sheese dty chleaysh hym: jean siyr dy my livrey.

Psalmyn 40:13

Cha vel mee er vreayll ergooyl dty vyghin as firrinys: veih’n chaglym mooar.

Psalmyn 69:17

Clasht rhym, O Hiarn, son ta dty chenjallys-ghraihagh gerjoilagh: chyndaa uss hym’s cordail rish earroo dty vyghinyn,

Psalmyn 70:1

Jean siyr, O Yee, dy my livrey: jean siyr dy chooney lhiam, O Hiarn.

Psalmyn 71:2

Bee oo my chummal lajer, huggey oddym’s kinjagh goll son sauchys: t’ou er yialdyn dy chooney lhiam; son oo thie m’endeilys as my chashtal.

Exodus 2:23

As haink eh gy-kione lurg traa, dy dooar ree Egypt baase, as ren cloan Israel osnaghey dy trome kyndagh rish y vondiaght, as ren ad geam; as hie’n eam oc seose gys Jee, kyndagh rish y vondiaght.

Exodus 2:24

As cheayll Jee nyn osnaghyn, as chooinee Jee er e chonaant rish Abraham, rish Isaac, as rish Jacob.

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Isaiah 65:24

As hig eh gy-kione, roish my jean adsyn geamagh, dy jean-yms freggyrt; as choud as t’ad foast loayrt, neem’s clashtyn.

Isaiah 8:17

As nee’m farkiaght er y Chiarn, ta follaghey e eddin veih thie Yacob, as nee’m jeeaghyn er e hon.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.