Psalmyn 102:1 - Yn Vible Casherick 1775 1819

¹ Clasht rish my phadjer, O Hiarn: as lhig da my eam roshtyn hood.

Lioar ny Psalmyn 1765 (Pointed)

¹ Clasht rish my phadjer, O Hiarn: as lhig da my eam roshtyn hood.

Psalmyn 102:1 ပူးပေါင်းရင်းမြစ်များ

2 Recortyssyn 30:27

Eisht hass ny saggyrtyn ny Leviteyn seose, as vannee ad y pobble: as va nyn goraa er ny chlashtyn, as hie nyn badjer seose gys ynnyd e chasherickys, eer gys niau.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 143:4

Shen-y-fa ta my spyrryd seaghnit aynym: as ta my chree brisht cheu-sthie jee’m.

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 145:19

Cooilleenee eshyn yn yeearree ocsyn ta goaill aggle roish: clynnee eh myrgeddin yn eam oc, as cooinee eh lhieu.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 39:12

Tra t’ou uss ayns dty chorree smaghtaghey dooinney son peccah, t’ou coyrt er yn aalid echey goll mow, myr dy beagh eh garmad eeit lesh lhemeen: cha vel dy chooilley ghooinney er-y-fa shen agh fardail.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 5:2

O eaisht rish coraa my eam, my Ree, as my Yee: son hood’s nee’m my phadjer.

Psalmyn 61:2

Veih king y theihll nee’m geamagh ort: tra ta my chree ayns trimshey.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Psalmyn 77:3

Tra ta mee ayns trimshey, smooinee-ym er Jee: tra ta my chree seaghnit, nee’m gaccan.

Exodus 2:23

As haink eh gy-kione lurg traa, dy dooar ree Egypt baase, as ren cloan Israel osnaghey dy trome kyndagh rish y vondiaght, as ren ad geam; as hie’n eam oc seose gys Jee, kyndagh rish y vondiaght.

Dobberan 3:44

T’ou er choodaghey oo hene lesh bodjal, nagh ragh nyn badjer ny hrooid.

Dobberan 3:8

Myrgeddin tra ta mee gaccan as geam, t’eh dooney magh my phadjer.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Briwnyn 10:16

As hug ad ersooyl ny jeeghyn joarree veih nyn mast’, as hirveish ad yn Chiarn; as va e chree er ny veiyghaghey son seaghyn Israel.

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.