Psalmyn 101:5 - Yn Vible Casherick 1775 1819

⁵ Bee cree camlaagagh er n’eiyrt ass m’enish: cha bee ainjys aym rish drogh phersoon.

Lioar ny Psalmyn 1765 (Pointed)

⁵ Bee cree camlaagagh er n’eiyrt ass m’enish: cha bee ainjys aym rish drogh phersoon.

Psalmyn 101:5 ပူးပေါင်းရင်းမြစ်များ

Psalmyn 138:6

Son ga dy vel y Chiarn ard: ny-yeih t’eh coyrt tastey da’n sleih imlee: agh er son ny mooaralee t’eh jeeaghyn orroo foddey veih.

Psalmyn 15:3

Eshyn nagh vel er chliaghtey molteyraght erbee ayns e hengey, ny er n’yannoo olk da e naboo: as nagh vel er chooyl-chassid e naboo.

Psalmyn 18:27

Nee oo sauail y sleih ta ayns seaghyn: as ver oo sheese shillaghyn ard ny mooaralee.

Psalmyn 50:20

Hoie oo, as loayr oo noi dty vraar; dy jarroo, as t’ou er choyrt scammylt da mac dty vayrey.

Exodus 20:16

Cha n’ymmyrk oo feanish foalsey noi dty naboo.

Exodus 23:1

Cha jean oo troggal, ny cur mygeayrt, goo breagagh: ny cur dty laue marish ny mee-chrauee, dy ve feanish foalsey.

Raaghyn Creeney 10:18

Eshyn ta keiltyn myskid lesh meillyn breagagh, as eshyn ta cur scammylt er y hoshiaght, t’eh ny ommydan.

Raaghyn Creeney 20:19

Eh ta goll mygeayrt myr skeealleyder, t’eh dy vrah folliaghtyn: er-y-fa shen, ny bee veg ayd dy yannoo rishyn, ta brynneraght lesh e veillyn.

Raaghyn Creeney 21:4

Ayns shilley ard, as cree moyrnagh, as eer ayns farrysthie ny mee-chrauee, ta peccah.

Raaghyn Creeney 25:23

Ta’n gheay-twoaie cur lesh chiarrey; myr shen ta eddin fargagh cur ny host yn chengey chooyl-chassee.

Raaghyn Creeney 30:13

Ta sheeloghe ayn, O cre cha ard ta ny sooillyn oc! as ferrooghyn nyn sooillyn troggit seose.

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Ezekiel 22:9

Aynyd’s ta deiney, ta gymmyrkey feanish foalsey, dy gheayrtey fuill: as aynyd’s t’ad gee er ny sleityn: aynyd’s t’ad lhie ayns rouanys.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Leviticus 19:16

Cha jed oo mygeayrt, myr skeealleyder mastey dty phobble: chamoo nee oo shassoo noi fuill dty naboo: Mish y Chiarn.

Noo Luke 18:14

Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh-hene seose, er ny injillaghey; as bee eshyn ta dy injillaghey eh-hene, er ny hoiaghey seose.

1 Corinthianee 5:11

Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh, ny ny hranlaasagh, marish lheid y fer wheesh as gyn dy ghoaill bee.

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

Titus 2:3

Ny shenn vraane myrgeddin, dy bee ad dy ymmyrkey-bea crauee, cha nee scammyltee, ny cur rouyr saynt da feeyn, soilshaghey sampleyr mie;

1 Samuel 2:3

Ny loayr-jee arragh lesh wheesh dy voyrn; ny lhig da mooaralys cheet magh ass nyn meeal: son ta’n Chiarn ny Yee dy hushtey, as liorishyn ta obbraghyn deiney er nyn dowse.