Psalmyn 100:2 - Yn Vible Casherick 1775 1819

² Bee-jee shickyr dy nee’n Chiarn ta Jee: eshyn t’er n’yannoo shin, as cha nee shin hene, shinyn e phobble, as kirree e phastyr.

Psalmyn Ghavid 1761 (Metrical)

² She eh yn Jee mooar ynrycan Liorish ta shin as ooilley bio: Shin t’eh er reih e phobble hene, Yn shioltane t’er nyn vassagh fo.

Lioar ny Psalmyn 1765 (Pointed)

² Bee-jee shickyr dy nee’n Chiarn ta Jee: eshyn t’er n’yannoo shin, as cha nee shin hene, shinyn e phobble, as kirree e phastyr.

Psalmyn 100:2 ပူးပေါင်းရင်းမြစ်များ

1 Reeaghyn 8:66

Er yn hoghtoo laa lhig eh yn raad da’n pobble: as hug ad booise da’n ree, as hie ad rhymboo gys nyn gabbaneyn, gerjoilagh as lesh cree gennal, son ooilley’n vieys va’n Chiarn er hoilshaghey da David e harvaant, as da Israel e phobble.

2 Recortyssyn 29:30

Marish shoh, doardee ree Hezekiah, as ny princeyn da ny Leviteyn dy ghoaill arraneyn-moyllee da’n Chiarn, lesh goan Ghavid, as Asaph yn ashleyder: as ghow ad arraneyn-moyllee lesh boggey, as chroym ad nyn ghing, as hug ad ooashley.

2 Recortyssyn 31:2

As doardee Hezekiah currym ny saggyrtyn as ny Leviteyn, lurg nyn goorseyn, dagh dooinney cordail rish e hirveish, ny saggyrtyn as ny Leviteyn son ourallyn-losht, as son ourallyn-shee, dy hirveish, as dy choyrt booise, as dy choyrt moylley ayns giattyn cooyrtyn y Chiarn.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 95:2

Lhig dooin cheet kiongoyrt rish yn enish echey lesh toyrt-booise: as soilshaghey shin hene gennal aynsyn lesh arraneyn-moyllee.

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

Deuteronomy 16:11

As nee oo boggey ’ghoaill kiongoyrt rish y Chiarn dty Yee, uss, as dty vac, as dty inneen, as dty er-mooinjerey, ad dty inney-veyl, as y Levite t’er cheu-sthie jeh dty yiattyn, as y joarree, as y lhiannoo gyn ayr, as y ven-treoghe ta ny mast’ eu, ’syn ynnyd nee’n Chiarn dty Yee y reih dy choyrt e ennym ayn.

Deuteronomy 16:14

As nee oo boggey y ghoaill ayns dty laghyn feailley, uss as dty vac, as dty inneen, as dt’er-mooinjerey, as dt’inney-veyl, as y Levite, as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn.

Deuteronomy 28:47

Er-yn-oyr nagh ren oo yn Chiarn dty Yee y hirveish, lesh boggey, as lesh gennallys cree, son palchey jeh dy chooilley nhee:

Philippianee 4:4

Gow-jee boggey ayns y Chiarn dy kinjagh, as reesht ta mee gra, Gow-jee boggey.