Psalmyn 100:1 - Yn Vible Casherick 1775 1819

¹ O bee-jee gerjoil ayns y Chiarn, ooilley shiuish cheeraghyn: shirveish-jee yn Chiarn lesh gennallys, as tar-jee roish e enish lesh arrane.

Psalmyn Ghavid 1761 (Metrical)

¹ O Ooilley shiuish fir-vaghee’n theihll, Trog-jee kiaull ghennal gys y Chiarn; Eeck-jee nyn geesh da dy creeoil, Insh-jee e voylley ayns arrane.

Lioar ny Psalmyn 1765 (Pointed)

¹ O bee-jee gerjoil ayns y Chiarn, ooilley shiuish cheeraghyn: shirveish-jee yn Chiarn lesh gennallys, as tarr-jee roish e enish lesh arrane.

Psalmyn 100:1 ပူးပေါင်းရင်းမြစ်များ

Psalmyn 145:1

Ver-yms ard-voylley dhyt, O Yee my Ree: as neem’s dty Ennym y vannaghey son dy bragh as dy bragh.

Psalmyn 32:11

Ta kerraghey trome cour ny mee-chrauee: agh eshyn ta coyrt e varrant er y Chiarn, ta myghin lhiantyn huggey er dagh cheu.

Psalmyn 47:1

O bwoaill-jee nyn massyn cooidjagh, ooilley shiuish phobble: O gow-jee arrane gys Jee lesh y choraa dy vingys.

Psalmyn 47:5

Ta Jee er gholl seose lesh kiaulleeaght ghennal: as y Chiarn lesh feiyr y chayrn.

Psalmyn 66:1

O bee-jee gerjoil ayns Jee, ooilley shiuish cheeraghyn: gow-jee arraneyn-moyllee gys onnor e Ennym; cur-jee er e voylley dy ve gloyroil.

Psalmyn 66:4

O tar-jee ayns shoh, as cur-jee tastey da obbraghyn Yee: cre cha yindyssagh as t’eh ayns e yannoo gys cloan gheiney!

Psalmyn 67:4

O lhig da ny ashoonyn boggey ’ghoaill as ve gennal: son nee uss y pobble y vriwnys dy cairal, as ny ashoonyn y reill er y thalloo.

Psalmyn 68:32

Gow-jee arrane gys Jee, O shiuish reeriaghtyn yn ooir: O gow-jee arraneyn-moyllee gys y Chiarn,

Psalmyn 98:4

T’eh er chooinaghtyn er e vyghin as e ynrickys gys thie Israel: as ta ny ardjyn sodjey mooie jeh’n theihll er vakin saualtys y Jee ain.

Zephaniah 3:14

Gow arrane, O inneen Zion, trog dty choraa, O Israel, bee gennal, as gow boggey lesh ooilley dty chree, O inneen Yerusalem.

Zechariah 14:9

As bee’n Chiarn ny ree harrish y slane seihll: ’sy laa shen vees un Chiarn, as yn ennym echey unnane.

Noo Luke 19:37

As tra v’eh er jeet er-gerrey, eer ec goll sheese cronk ny oliveyn, ghow yn slane sheshaght jeh e eiyrtyssee toshiaght dy ghoaill boggey, as dy chur moylley da Jee lesh ard-choraa, son ooilley ny obbraghyn mirrilagh v’ad er n’akin,

Romanee 15:10

As reesht t’eh gra, Gow-jee boggey, shiuish Ashoonyn-quaagh, marish e phobble.

Deuteronomy 32:43

Gow-jee boggey, marish e phobble, O shiuish ashoonyn: son nee eh cooilleeney ’ghoaill son fuill e harvaantyn, as kerraghey er e noidyn, as bee eh myghinagh da e heer, as da e phobble.