Psalmyn 10:9 - Yn Vible Casherick 1775 1819

⁹ Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Lioar ny Psalmyn 1765 (Pointed)

⁹ Son t’eh lhie farkiaght dy-follit, dy-jarroo myr lion t’eh ny lhie kellit ayns e ooig: dy vod eh spooilley yn boght.

Psalmyn 10:9 ပူးပေါင်းရင်းမြစ်များ

Lioar Yob 38:40

Tra t’ad lhie croymmey ayns nyn ooigyn, as cooyl-chlea fo coodagh ny keylljyn?

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 140:5

Ta ny mooaralee er hoiaghey ribbey er my hon, as er skeayley magh lieen dy lhean lesh coyrdyn: dy jarroo t’ad er hoiaghey trappyn ayns my raad.

Psalmyn 17:12

Myr y lion ta jollyssagh er e helg: as myr y lion aeg ta lhie gyn-yss ayns ynnydyn follit.

Psalmyn 35:10

Nee ooilley my chraueyn gra, Hiarn, quoi ta casley rhyt’s, ta livrey yn boght veihsyn ta ro hrean da: dy jarroo yn boght, as eshyn ta ayns treihys, veihsyn ta dy spooilley eh?

Psalmyn 37:14

Ta’n vee-chrauee er dayrn y cliwe, as er lhoobey nyn mhow: dy lhieggal sheese y boght as yn ymmyrchagh, as dy stroie ny lheid ocsyn ta jeh ymmyrkey yeeragh.

Psalmyn 59:3

Son cur-my-ner, t’ad lhie farkiaght son my vioys: ta ny deiney niartal er nyn jaglym m’oï, fegooish foill ny aggair erbee voym’s, O Hiarn.

Raaghyn Creeney 14:31

Eshyn ta tranlaasagh er y voght, t’eh goltooan e Er-croo: agh t’eh coyrt ooashley dasyn ta chymmoil er ny boghtyn.

Raaghyn Creeney 22:16

Eshyn ta jannoo tranlaase er y voght, dy vishaghey e chooid-seihlt, as eh ta slaa laue yn verchagh, hig eh-hene dy feer gys feme.

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Isaiah 3:15

Cre’n-oyr t’eu dy vel shiu broo my phobble gys peeshyn, as scryssey eddin ny boghtyn? ta’n Chiarn, Jee ny flaunyssee, dy ghra.

Isaiah 32:7

Ta aghtyn yn er-sondagh myrgeddin an-chiart: t’eh smooinaghtyn er saaseyn cluicagh dy stroie yn boght lesh goan breagagh, eer ayns cooish chairal yn ymmyrchagh.

Jeremiah 5:26

Son mastey my phobble ta drogh gheiney ry-gheddyn: t’ad lhie farkiaght myr y chelgeyr; t’ad soiaghey ribbey, t’ad tayrtyn deiney.

Dobberan 3:10

Dooys v’eh myr muc-awin ny lhie farkiaght, as myr lion cooyl-chlea.

Ezekiel 22:29

Ta pobble y cheer er chliaghtaghey tranlaase, as dy chur-rish roosteyrys, as er chraghey yn voght as yn ymmyrchagh: dy feer t’ad er n’êginaghey yn joarree dy neu-chairagh.

Amos 3:4

Jean lion buirroogh ayns y cheyll, tra nagh vel eh er hayrtyn e chragh? jean lion aeg gullyrnee veih yn ooig, mannagh vel eh er n’ghoaill monney?

Micah 7:2

Ta’n dooinney crauee er jerraghtyn veih yn thalloo; as cha vel fer ynrick mastey deiney: t’ad ooilley lhie cooyl-chlea son fuill: t’ad shelg dy chooilley ghooinney e vraar lesh ribbey.

Habakkuk 1:15

T’ad goaill seose ad ooilley lesh dooan: t’ad tayrtyn ad ayns nyn ribbey, as chaglym ad ayns nyn lieen; shen-y-fa t’ad boggyssagh as gennal.

Habakkuk 3:14

Ren oo lesh dty lorg-reill brishey trooid king e valjyn: haink ad magh myr geay-chassee dy my skeayley: va’n boggey ocsyn dy stroie ny boghtyn dy follit.

Zechariah 11:3

Ta coraa treihys ny bochillyn er ny chlashtyn: son ta’n ghloyr oc er ny spooilley: coraa dy vuirroogh ny lionyn aegey; son ta moyrn Yordan er ny spooilley.

Noo Ean 10:12

Agh eshyn ta failt, as cha nee yn bochilley hene, as nagh vel ny kirree lesh hene, t’eh fakin yn moddey-oaldey cheet, as t’eh faagail ny kirree, as roie er-chea: as ta’n moddey-oaldey dyn dayrtyn ad, as skeayley ny kirree.

Jannoo 23:21

Agh ny jean uss er y raa oc: son ta aarloo dy ghoaill eh erskyn da-eed dooinney jeu, t’er chiangley ad-hene fo mollaght, nagh jean ad gee ny giu derrey vees ad er varroo eh: as nish t’ad aarloo, jerkal rish gialdyn y gheddyn voïd’s.