Psalmyn 10:8 - Yn Vible Casherick 1775 1819

⁸ T’eh soie fo-chlea myr maarliagh ayns corneilyn fadane ny straidyn: as dy follit ayns e oayldyn dorraghey t’eh dunverys yn dooinney gyn-loght; ta e hooillyn soit noi’n voght.

Lioar ny Psalmyn 1765 (Pointed)

⁸ T’eh soie fo-chlea myr maarliagh ayns corneilyn fadaan ny straaidyn: as dy-follit ayns e oayldyn dorraghey t’eh dunverys yn dooinney gyn loght; ta e hooillyn soit noi’n voght.

Psalmyn 10:8 ပူးပေါင်းရင်းမြစ်များ

2 Reeaghyn 21:16

Ren Manasseh myrgeddin deayrtey mooarane fuill neu-chyndagh, derrey v’eh er lhieeney Jerusalem veih kione gy-kione; marish e pheccah hene huggey v’eh er hayrn Judah, ayns jannoo shen ny va olk ayns shilley yn Chiarn.

Lioar Yob 24:14

Ta’n dunver, girree ’sy vadran, dy ghunverys yn boght as ymmyrchagh, as ayns yn oie t’eh myr maarliagh.

Psalmyn 17:11

T’ad lhie farkiaght ayns y raad ain er dy chooilley heu: chyndaa nyn sooillyn sheese gys y thalloo.

Psalmyn 94:6

T’ad dunverys y ven-treoghe, as y joarree: as cur y lhiannoo gyn ayr dy baase.

Raaghyn Creeney 24:15

Ny lhie cooyl-chlea, O ghooinney mee-chrauee, noi thie yn er-cairagh; as ny cur mow e ynnyd-vaghee.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Habakkuk 3:14

Ren oo lesh dty lorg-reill brishey trooid king e valjyn: haink ad magh myr geay-chassee dy my skeayley: va’n boggey ocsyn dy stroie ny boghtyn dy follit.

Noo Luke 10:1

Ny lurg shoh, doardee yn Chiarn three-feed as jeih elley, as hug eh ad magh jees as jees roish hene, gys dy chooilley ard-valley as ynnyd, raad v’eh hene ry-hoi cheet.

Noo Luke 8:1

As haink eh gy-kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Briwnyn 9:25

As ren deiney Shechem soiaghey sleih dy lhie cooyl-chlea er e hon ayns mullagh ny sleityn, as ren ad spooilley ooilley ny haink nyn raad: as ve inshit da Abimelech.

1 Samuel 22:18

As dooyrt y ree rish Doeg, Chyndaa uss, as tuitt er ny saggyrtyn. As hyndaa Doeg yn Edomite, as huitt eh er ny saggyrtyn, as varr eh er y laa shen kiare-feed as queig persoonyn va ceau coamrey casherick.

1 Samuel 23:23

Jean-jee briaght er-y-fa shen, as gow-jee baght jeh ooilley ny ynnydyn follit raad t’eh keiltyn eh-hene, as tar-jee reesht lesh fys shickyr hym’s, as hem’s mêriu: as my she shen dy vel eh erskyn hallooin, neem’s ronsaghey er e hon trooid ooilley thousaneyn Yudah.