Psalmyn 10:4 - Yn Vible Casherick 1775 1819

⁴ Ta’n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

Lioar ny Psalmyn 1765 (Pointed)

⁴ Ta’n mee-chrauee cha mooaralagh, nagh vel geill echey da Jee: cha-moo ta Jee ayns ooilley e smooinaghtyn.

Psalmyn 10:4 ပူးပေါင်းရင်းမြစ်များ

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Lioar Yob 22:17

Dooyrt rish Jee, Faag voïd shin; as cre oddys yn Ooilley-niartal jannoo roo?

Psalmyn 101:5

Bee cree camlaagagh er n’eiyrt ass m’enish: cha bee ainjys aym rish drogh phersoon.

Psalmyn 18:27

Nee oo sauail y sleih ta ayns seaghyn: as ver oo sheese shillaghyn ard ny mooaralee.

Psalmyn 27:8

Eaisht rish my choraa, O Hiarn, tra ta mee geamagh hood’s: jean myghin orrym, as clasht rhym.

Psalmyn 36:1

Ta my chree ginsh dou olkys y vee-chrauee: nagh vel veg yn aggle dy Yee roish e hooillyn.

Psalmyn 53:1

Ta’n peccagh ommijagh er ghra ayns e chree: Cha vel Jee erbee ayn.

Psalmyn 73:11

Twish, t’ad gra, Kys ver Jee tastey da: vel fysseree ayns yn Er-syrjey?

Exodus 5:2

As dooyrt Pharaoh, Quoi’n Chiarn, dy vel mish dy choyrt biallys gys e choraa, dy lhiggey’n raad da Israel? cha nione dooys y Chiarn, chamoo lhig-yms y raad da Israel.

Raaghyn Creeney 21:4

Ayns shilley ard, as cree moyrnagh, as eer ayns farrysthie ny mee-chrauee, ta peccah.

Raaghyn Creeney 30:13

Ta sheeloghe ayn, O cre cha ard ta ny sooillyn oc! as ferrooghyn nyn sooillyn troggit seose.

Raaghyn Creeney 30:9

Er-aggle dy bee’m lane as dy jarrood-ym oo, gra, Quoi ta’n Chiarn? ny, er-aggle dy bee’m boght, as geid, as goaill ennym my Yee ayns fardail.

Raaghyn Creeney 6:17

Shilley moyrnagh, chengey vreagagh, as laueyn ta deayrtey yn uill neu-chyndagh.

Ecclesiastes 8:11

Er-yn-oyr nagh vel cooilleen chelleeragh er ny ghoaill er drogh-yannoo: Shen-y-fa ta cree cloan gheiney dy slane soit ayndoo dy yannoo olk.

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Isaiah 59:7

Ta ny cassyn oc roie gys olk, as gastey dy gheayrtey fuill gyn-loght: ta ny smooinaghtyn oc smooinaghtyn dy vee-chairys; ta traartys as treihys ayns nyn raaidyn.

Isaiah 65:2

Ta mee er heeyney magh my laueyn fey-ny-laa gys pobble mee-viallagh, ta gimmeeaght ayns raad nagh row mie, lurg ny smooinaghtyn oc hene;

Jeremiah 2:31

O heeloghe, gow-jee tastey jeh goo yn Chiarn: Vel mee er ve ny aasagh da Israel? cheer dy ghorraghys? Cre’n-fa ta my phobble gra, Ta shin nyn mainshtyryn hene; cha jig mayd ny-sodjey hood’s?

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Zephaniah 1:12

As hig eh gy-kione ec y traa shen, dy jean-yms ronsagh Jerusalem lesh cainleyn, as kerraghey ny deiney t’ec fea er nyn ghrundin; ta gra ayns nyn gree, Cha jean y Chiarn mie ny sie.

Zephaniah 2:3

Shir-jee yn Chiarn, ooilley shiuish ta imlee er y thalloo, ta er chooilleeney e vriwnys, shir-jee lurg ynrickys, shir-jee lurg meenid-cree: hoiggal, dy bee shiu er nyn goadey ayns laa jymmoose y Chiarn.

Noo Mark 7:21

Son veih cheu-sthie, magh veih creeaghyn deiney, ta cheet drogh smooinaghtyn, brishey-poosey, maarderys, dunverys,

Jannoo 8:22

Gow arrys er-y-fa shen jeh dty olkys, as guee gys Jee, hoiggal dy vod smooinaghtyn dty chree v’er ny leih dhyt.

Romanee 1:21

Er-yn-oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught-thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Deuteronomy 8:14

Nagh bee dty chree eisht mooaralagh, as dy jarrood oo yn Chiarn dty Yee (hug lesh uss magh ass cheer Egypt, veih thie ny bondiaght;