Psalmyn 10:3 - Yn Vible Casherick 1775 1819

³ Son ta’n dooinney mee-chrauee er voggyssagh jeh yeearree e chree hene: as loayrt dy mie jeh’n er sayntoilagh ta feoh ec Jee er.

Lioar ny Psalmyn 1765 (Pointed)

³ Son ta’n dooinney mee-chrauee er voggyssagh jeh yeearree e chree hene: as loayrt dy-mie jeh’n er sayntoilagh ta feoh ec Jee er.

Psalmyn 10:3 ပူးပေါင်းရင်းမြစ်များ

1 Reeaghyn 20:25

As jean magh sheshaght-caggee elley, corrym rish yn cheshaght-chaggee t’ou er choayl, cabbyl son cabbyl, as fainagh son fainagh: as nee mayd caggey nyn ’oï ’sy cheer-rea, as son shickyrys bee mayd ny s’troshey na adsyn. As ghow eh yn choyrle oc, as shen myr ren eh.

Lioar Yob 31:24

My ta mee er n’yannoo airh my hreishteil, ny my ta mee er ghra rish y ghlen airh, T’ou uss my varrant;

Psalmyn 35:21

Doshil ad nyn meeal orrym, as dooyrt ad: Gow nearey, gow nearey, honnick shin eh lesh nyn sooillyn.

Psalmyn 49:18

Son choud’s v’eh bio, yeeagh eh er hene dy ve dooinney maynrey: as choud’s t’ou jannoo dy mie dhyt hene, loayree deiney dy mie jeed.

Psalmyn 49:6

Ta paart ta cur nyn marrant gys nyn gooid: as boggyssagh ayns earroo nyn merchys.

Psalmyn 5:6

Nee uss adsyn y stroie ta loayrt breagyn: ver y Chiarn feoh chammah da’n dooinney folley as da’n er molteyragh.

Psalmyn 52:1

Cre hon t’ou boggyssagh jeed hene, uss hranlaasagh: dy vod oo olk y yannoo;

Psalmyn 94:4

Caïd nee ooilley ny drogh-yantee loayrt cha mooaralagh: as goaill orroo lheid y voggyssagh voyrnagh?

Exodus 15:9

Dooyrt y noid, Hem er nyn eiyrt’s, berr-ym orroo, rheynn-ym y spooilley: bee cooilleeney m’aigney aym orroo; my chliwe nee’m y hayrn, nee my laue ad y stroie.

Raaghyn Creeney 28:4

Adsyn ta treigeil y leigh, t’ad moylley ny mee-chrauee: agh lheid as ta freayll y leigh t’ad coyrt eddin daue.

Ecclesiastes 7:15

Ooilley ny reddyn shoh ta mee er vakin ayns laghyn my ardail: dy vel dooinney cairal cherraghtyn ayns e chairys, as dy vel drogh ghooinney beayn ayns e vee-chraueeaght.

Isaiah 37:23

Quoi shen t’ou uss er oltooaney, as er loayrt goan mollaghtagh n’oï? as quoi n’oï t’ou er n’ockley magh dty choraa, as dy mooaralagh er hroggal dty hooillyn? eer noi Jee casherick Israel.

Isaiah 57:17

Son mee-chairys y taynt echeysyn va my yymmoose, as woaill mee eh: dollee mee mee-hene, as va mee corree, as hie eh dy roonagh er e hoshiaght ayns raad e chree hene.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Leviticus 26:30

As nee’m stroie nyn ard-ynnydyn, as giarey sheese ny jallooyn eu, as tilgey nyn gallinyn er callinyn ny jallooyn eu, as ver m’annym feoh diu.

Habakkuk 2:9

Smerg dasyn ta sondagh er cosney aggairagh son e hie! dy vod eh soiaghey e edd dy ard, dy vod eh ve livreït veih roshtyn yn olk.

Noo Luke 12:15

As dooyrt eh roo, Gow-jee tastey, as cur-jee twoaie jeh saynt: son cha vel maynrys bea yn dooinney lhie ayns mooarane e chooid-seihlt.

Noo Luke 12:19

As jir-ym rish my annym, O my annym, ta mooarane cooid ayd tashtit seose cour ymmodee bleeantyn: gow dty aash, ee, iu, as bee gennal.

Romanee 1:29

Laadit lesh dy chooilley neu-ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh-yannoo; scammyltee cooyl-chlea,

Romanee 1:32

Ga dy vel toiggal oc jeh briwnys Yee, (dy vel adsyn ta cur rish lheid ny reddyn shoh toilchin baase) cha vel ny-lomarcan jannoo ny reddyn cheddin ad-hene, agh ta taitnys oc ayndoosyn ta cur roo.

1 Corinthianee 6:10

Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

Ephesianee 5:5

Son shoh ta fys eu er, nagh vel ec maarderagh erbee, ny persoon neu-ghlen, ny ec dooinney sayntoilagh, ta coyrt ammys da jallooyn, eiraght edyr ayns reeriaght Chreest as Yee.

Deuteronomy 29:19

As dy jig eh gy-kione, tra chlinnys eh goan yn mollaght shoh, as dy jean eh sheeaney eh hene ayns e chree, gra, Bee shee aym, ga dy vel mee gimmeeaght lurg drogh smooinaghtyn my chree hene, dy choyrt meshteyllys gys paays:

Deuteronomy 32:19

As tra honnick y Chiarn shoh, hug eh dwoaie daue, kyndagh rish peccaghyn brasnee e vec, as e inneenyn.

Colossianee 3:5

Smaghtee-jee er-y-fa shen ny oltyn thallooinagh eu; maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn:

Jamys 4:13

Tar-jee nish, shiuish ta gra, Jiu ny mairagh hem mayd gys lheid yn ard-valley, as fuirree mayd ayn bleïn, kionnaghey as creck, as jannoo vondeish:

Jamys 4:16

Agh nish ta shiu goaill taitnys ayns y voggyssagh eu: ta ooilley lheid y voggyssagh peccoil.

1 Ean 2:15

Ny cur-jee graih da’n seihll, ny da nheeghyn y theihll. My ta dooinney erbee cur graih da’n seihll, cha vel graih yn Ayr aynsyn.

Briwnyn 17:2

As dooyrt eh rish e voir, Yn un cheead jeig shekel dy argid, v’er ny gheid voïd, mychione ghwee oo mollaght, as loayr oo jeh ayns my chlashtyn, cur-my-ner, ta’n argid aym’s; mish ghow eh. As dooyrt e voir, Bannit dy row uss veih’n Chiarn, my vac.

1 Samuel 23:21

As dooyrt Saul, Bannit dy row shiuish veih’n Chiarn; son ta shiu goaill chymmey jee’m,