Psalmyn 10:2 - Yn Vible Casherick 1775 1819

² Ta’n mee-chrauee dy chooilleeney e aigney hene jannoo tranlaase er y voght: lhig daue hene ve goit ayns ny kialgyn croutagh t’ad er ghoaill ayns nyn smooinaghtyn.

Lioar ny Psalmyn 1765 (Pointed)

² Ta’n mee-chrauee dy chooilleeney e aigney hene jannoo tranlaase er y voght: lhig daue hene ve goit ayns ny kialgyn croutagh t’ad er ghoaill ayns nyn smooinaghtyn.

Psalmyn 10:2 ပူးပေါင်းရင်းမြစ်များ

Psalmyn 109:16

Va e haitnys ayns gweeaghyn, as hig eh er: cha bynney lesh bannaght, shen-y-fa bee eh foddey voish.

Psalmyn 119:122

Cur er dty harvaant dy ghoaill taitnys ayns shen ny ta mie: nagh jean ny mooaralee veg yn aggair dou.

Psalmyn 119:5

O dy beagh my raaidyn cha jeeragh shen: dy voddin dty lattyssyn y reayll!

Psalmyn 119:69

Ta ny mooaralee er droggal breg orrym: agh freill-yms dt’annaghyn lesh ooilley my chree.

Psalmyn 119:85

Ta’n sleih moyrnagh er chleiy ooigyn er my hon: nagh vel cordail rish dty leigh.

Psalmyn 140:5

Ta ny mooaralee er hoiaghey ribbey er my hon, as er skeayley magh lieen dy lhean lesh coyrdyn: dy jarroo t’ad er hoiaghey trappyn ayns my raad.

Psalmyn 31:18

Jeeagh da dty harvaant soilshey dty eddin: as saue mee er graih dty vyghinyn.

Psalmyn 36:11

O ny lhig da’n chass dy voyrn cheet m’oï: as ny lhig da laue ny mee-chrauee m’y hilgey sheese.

Psalmyn 59:12

Kyndagh rish peccah nyn meeal, as goan nyn meillyn, bee ad goit ayns y voyrn oc hene: as cre’n-oyr? ta’n ghlare oc jeant jeh gweeaghyn as breagyn.

Psalmyn 7:16

T’eh er vosley as er chleiy ooig: as t’eh hene er duittym ayns y ribbey v’eh kiarail da fer elley.

Exodus 18:11

Nish, ta fys aym, dy vel y Chiarn foddey erskyn dy chooilley Yee: son lesh ooilley nyn mooaralys v’eshyn er-nyn-skyn.

Exodus 9:17

Myr t’ou foast goaill ort dy yannoo tranlaase er my phobble, nagh lhig oo yn raad daue:

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Isaiah 14:13

Son dy vel oo er ghra ayns dty chree, Hem seose er niau, trog-yms my stoyl-reeoil erskyn rollageyn Yee; soie-yms myrgeddin er cronk yn cho-chruinnaght, ayns lhiatteeyn y twoaie:

Isaiah 14:16

Nee adsyn hee oo, jeeaghyn dy gyere ort, as goaill baght jeed, gra, Nee shoh yn dooinney hug er y thalloo craa, as hilg reeriaghtyn bun-ry-skyn;

Jeremiah 43:2

Eisht dooyrt Azariah mac Hoshaiah, as Johanan mac Chareah, as ooilley ny mooaralee, rish Jeremiah, T’ou loayrt dy breagagh: cha vel y Chiarn y Jee ain er dty choyrt dy ghra, Ny gow-jee sheese gys Egypt dy chummal ayns shen.