Psalmyn 10:17 - Yn Vible Casherick 1775 1819

¹⁷ Brish uss pooar yn vee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddyn.

Lioar ny Psalmyn 1765 (Pointed)

¹⁷ Brish uss pooar yn mee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddyn.

Psalmyn 10:17 ပူးပေါင်းရင်းမြစ်များ

1 Recortyssyn 29:18

O Hiarn Yee Abraham, Isaac, as Israel, nyn ayraghyn, freill dy bragh yn aigney-mie shoh ayns smooinaghtyn creeaghyn dty phobble, as niartee nyn greeaghyn dy hirveish oo.

2 Recortyssyn 29:36

As ghow Hezekiah, as ooilley’n pobble boggey, dy row Jee er niartaghey lhieu: son va’n obbyr jeant dy arryltagh.

2 Recortyssyn 30:12

Agh ayns Judah va laue Yee lhieu lesh un chree dy chooilleeney sarey’n ree as ny princeyn, liorish goo’n Chiarn.

2 Recortyssyn 34:27

Er-yn-oyr dy row dty chree meiygh as dy ren oo oo-hene y injillaghey kiongoyrt rish Jee, tra cheayll oo e ghoan noi’n ynnyd shoh, as noi e chummaltee, as dy vel oo er injillaghey oo hene, as er raipey dty choamrey, as er ghobberan kiongoyrt rhym, ta mish myrgeddin er choyrt clashtyn dhyt, ta’n Chiarn dy ghra,

Psalmyn 102:17

Tra t’eh dy hyndaa eh-hene gys padjer ny boghtyn treigit: as nagh vel eh soiaghey beg jeh nyn aghin.

Psalmyn 145:19

Cooilleenee eshyn yn yeearree ocsyn ta goaill aggle roish: clynnee eh myrgeddin yn eam oc, as cooinee eh lhieu.

Psalmyn 34:15

Ta sooillyn y Chiarn harrish y sleih cairal: as ta ny cleayshyn echey foshlit gys nyn badjeryn.

Psalmyn 37:4

Gow taitnys ayns y Chiarn: as ver eh dhyt yeearree dty chree.

Psalmyn 9:12

Son tra t’eh jannoo briaght son deayrtey fuill dyn loght, t’eh cooinaghtyn orroo: as cha vel eh jarrood accan ny ymmyrchee.

Psalmyn 9:18

Son cha bee’n boght dy kinjagh er ny yarrood: cha jean farkiaght surransagh ny imlee cherraghtyn son dy bragh.

Raaghyn Creeney 10:24

Berree aggle y vee-chrauee er: agh bee yeearree yn er-cairagh jeant magh.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 16:1

Ta smooinaghtyn y chree veih’n dooinney hene: agh ansoor y chengey veih’n Chiarn.

Isaiah 65:24

As hig eh gy-kione, roish my jean adsyn geamagh, dy jean-yms freggyrt; as choud as t’ad foast loayrt, neem’s clashtyn.

Noo Mian 5:3

Bannit t’adsyn ta imlee ayns spyrryd: son lhieusyn reeriaght niau.

Romanee 8:26

Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.

Ephesianee 2:18

Son ny hrooidsyn ta kied ain ny-neesht dy hayrn er-gerrey gys yn Ayr liorish un Spyrryd.

Ephesianee 3:12

Ny hrooid ta daanys ain as kied dy hayrn er-gerrey da lesh shickyrys liorish y chredjue t’ain aynsyn.

Jamys 4:10

Bee-jee er nyn injillaghey ayns shilley’n Chiarn, as troggee eh shiu seose.

Jamys 4:6

Agh t’eh coyrt ny smoo dy ghrayse: shen-y-fa t’eh gra, Ta Jee cur eddin da ny mooaralee, as coyrt grayse dauesyn ta imlee.

1 Peddyr 3:12

Son ta sooillyn y Chiarn er y vooinjer ynrick, as e chleayshyn foshlit gys ny padjeryn oc: agh ta eddin y Chiarn noi ocsyn ta jannoo olk.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.