Psalmyn 10:14 - Yn Vible Casherick 1775 1819

¹⁴ Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Lioar ny Psalmyn 1765 (Pointed)

¹⁴ Cre’n-fa yinnagh y dooinney olkyssagh loayrt dy-mollaghtagh noi Jee: choud as t’eh gra ayns e chree, Cha vel aggle orrym, s’cummey lhiats, O Yee, er y hon.

Psalmyn 10:14 ပူးပေါင်းရင်းမြစ်များ

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 31:12

As dooyrt eh, Trog seose nish dty hooillyn, as jeeagh, ta ooilley ny reaghyn ta lheim er y maase schimmeigagh, breck as spottagh: son ta mish er vakin kys ta Laban er dty hirveish.

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

2 Reeaghyn 9:26

Son shickyrys honnick mee jea fuill Naboth, as fuill e vec, ta’n Chiarn dy ghra; as goym cooilleeney ort ayns y vagher shoh, va raa’n Chiarn. Nish er-y-fa shen, gow as ceau eh ayns y vagher cheddin, cordail rish raa’n Chiarn.

2 Recortyssyn 24:22

Myr shoh cha chooinee Joash y ree er y chenjallys va Jehoiada ayr Zechariah er hoilshaghey da hene, agh hug eh e vac gy-baase: as tra v’eh paartail, dooyrt eh, Dy jeeagh y Chiarn er shoh, as goaill cooilleeney er y hon.

2 Recortyssyn 6:23

Eisht jean uss clashtyn veih niau, as cooilleen, as jean dty harvaantyn y vriwnys liorish deyrey yn vee-chrauee, dy chooilleeney e hoilchin er e chione hene, as liorish seyrey’n er cairagh, dy choyrt da cordail rish e chairys.

Psalmyn 146:9

Ta’n Chiarn coadey yn joarree, t’eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee, t’eh dy hilgey eh bun-ry-skyn.

Psalmyn 22:11

O ny treig mee, son ta seaghyn er-gerrey: as cha vel unnane dy chooney lhiam.

Psalmyn 31:8

Bee’m gennal, as nee’m boggey ’ghoaill ayns dty vyghin: son t’ou er choyrt tastey da my heaghyn, as er chooinaghtyn er my annym ayns treihys.

Psalmyn 35:22

Shoh t’ou er vakin, O Hiarn: ny bee dty host eisht, ny gow foddey voym, O Hiarn.

Psalmyn 55:22

Va goan e veeal ny s’buiggey na eeym, as caggey ayns e chree: va e ghoan ny shliawney na ooil, as foast t’ad cliwenyn hene.

Psalmyn 68:5

Eshyn ayr yn chloan gyn ayr, ta fendeil cooish ny mraane-treoghe: dy jarroo Jee ayns e ynnyd-vaghee casherick.

Psalmyn 68:6

Eshyn y Jee ta cur er deiney dy ve jeh un aigney ayns thie, as ta cur lesh ny pryssoonee magh ass cappeeys: agh lhiggey da ny wagaantee tannaghtyn ayns genney.

Exodus 2:25

As yeeagh Jee er cloan Israel, as va chymmey ec Jee orroo.

Exodus 22:22

Cha jean oo tranlaase er y ven-treoghe, ny er y lhiannoo gyn ayr.

Exodus 22:26

My ghoys oo edyr coamrey dty naboo ayns gioal, ver oo da eh reesht roish lhie ny greiney.

Raaghyn Creeney 15:25

Stroie-ys y Chiarn thie ny mooaralee: agh nee eh niartaghey cagliagh y ven-treoghe.

Raaghyn Creeney 15:3

Ta sooillyn y Chiarn ayns dy chooilley voayl, cur-my-ner chammah sie as mie.

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Jeremiah 16:17

Son ta my hooillyn er ooilley nyn raaidyn; cha vel ad follit veih my eddin, chamoo ta’n vee-chairys oc er ny cheiltyn veih my hooillyn.

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Jeremiah 49:11

Faag dooys dty chloan gyn ayr, freill-yms ad bio: as lhig da dty vraane-treoghe treishteil aynym’s.

Jeremiah 51:56

Er-yn-oyr dy vel y spooilleyder er jeet urree, eer er Babylon, as ta ny deiney niartal eck goit; ta ooilley ny bow’ghyn oc brisht, son nee yn Chiarn Jee, yn Lhiaseyder, dy shickyr cooilleeney.

Dobberan 3:59

T’ou uss, O Hiarn, er vakin my aggair, jean uss my chooish y vriwnys.

Dobberan 3:60

T’ou er vakin ooilley yn eulys oc, as ooilley ny croutyn oc m’oï.

Hosea 14:3

Cha jean Ashur sauail shin, cha jean mayd markiaght er cabbil, chamoo jir mayd arragh rish obbyr ny laueyn ain hene, Shiuish ny jeeghyn ain: son aynyd’s ta’n chloan gyn ayr geddyn myghin.

Hosea 14:4

Neem’s lhiasaghey nyn loghtyn, ver-ym graih daue dy arryltagh: son ta my chorree er ny hyndaa ersooyl voish.

Joel 3:4

As dy jarroo, cre’n eïe t’eu orrym, O Tyre as Zidon, as ooilley ardjyn Phalestine? jean shiu cooilleeney ’ghoaill orrym, as my ta shiu goaill lhiasaghey jeem’s, dy tappee as dy leah chyndaa-yms reesht yn cooilleeney eu er nyn ghing hene.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Deuteronomy 10:18

T’eh goaill seose cooish y chloan gyn ayr as y ven-treoghe, as shynney lesh y joarree, ayns coyrt da beaghey as coamrey.

2 Timothy 1:12

Er-yn-oyr cheddin ta mee myrgeddin surranse ny reddyn shoh, ny-yeih cha vel nearey orrym: son shione dou eshyn ayn ta mee er chredjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

1 Peddyr 4:19

Shen-y-fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer-croo firrinagh.

1 Peddyr 5:7

Tilgey ooilley yn chiarail eu ersyn; son t’eh kiarail er ny son eu.

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.