Psalmyn 10:11 - Yn Vible Casherick 1775 1819

¹¹ T’eh tuittym sheese, as croymmey eh hene: dy vod sheshaght ny boghtyn tuittym ayns laueyn e leeideilee.

Lioar ny Psalmyn 1765 (Pointed)

¹¹ T’eh tuittym sheese, as crommey eh hene: dy vod sheshaght ny boghtyn tuittym ayns laueyn e leeideilee.

Psalmyn 10:11 ပူးပေါင်းရင်းမြစ်များ

Psalmyn 10:6

Son t’eh er ghra ayns e chree, Cha n’aggle dou, cha bee’m dy bragh er my hilgey sheese: cha daghyr skielley erbee my raad.

Psalmyn 59:8

Bee ad, O Hiarn, ayd’s ayns faghid: as nee oo garaghtee er ooilley ny ashoonyn-quaagh gys craid.

Psalmyn 64:5

T’ad jannoo ad-hene daaney ayns olkys: as cur nyn goyrle dy cheilley, kys oddys ad ribbaghyn y hoiaghey; as gra, nagh vaik dooinney erbee ad.

Psalmyn 64:6

T’ad smooinaghtyn dy dowin er olkys, as dy chliaghtey eh: shen t’ad dy reayll follit eddyr ad-hene, dy chooilley ghooinney ayns diunid e chree.

Psalmyn 73:11

Twish, t’ad gra, Kys ver Jee tastey da: vel fysseree ayns yn Er-syrjey?

Psalmyn 94:7

As foast t’ad gra, Cha n’aggle dooin, cha jean y Chiarn fakin: chamoo ver Jee Yacob geill da.

Ecclesiastes 8:11

Er-yn-oyr nagh vel cooilleen chelleeragh er ny ghoaill er drogh-yannoo: Shen-y-fa ta cree cloan gheiney dy slane soit ayndoo dy yannoo olk.

Ezekiel 8:12

Eisht dooyrt eh rhym, Vac y dooinney, vel oo er vakin shen ny ta shanstyr thie Israel dy yannoo ’sy dorraghys, dagh dooinney ayns shamyryn nyn yallooyn hene? son t’ad gra, Cha vel y Chiarn fakin shin, ta’n Chiarn er hreigeil y cheer.

Ezekiel 9:9

Eisht dooyrt eh rhym, Ta mee-chraueeaght thie Israel as Judah erskyn-earroo mooar, as ta’n cheer roie harrish lesh fuill, as ta’n ard-valley lane dy vee-chairys: son t’ad gra, Ta’n Chiarn er hreigeil y thalloo, as cha vel y Chiarn cur-my-ner.

Hosea 7:2

As cha vel ad goaill gys nyn gree, dy vel mish cooinaghtyn er ooilley nyn olkys: nish ta nyn yannoo hene coyrt dy chion roo er dagh cheu, t’ad kiongoyrt rish my eddin.

Noo Mark 2:6

Agh va shiartanse jeh ny scrudeyryn nyn soie ayns shen, as v’ad resooney ayns nyn greeaghyn,

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu-sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.