Psalmyn 1:6 - Yn Vible Casherick 1775 1819

⁶ Shen-y-fa cha vod ny mee-chrauee shassoo ayns y vriwnys: chamoo ny peccee ayns chaglym y sleih ynrick.

Psalmyn Ghavid 1761 (Metrical)

⁶ Son Jee ta moylley raad e noo As leagh mooar ver eh da; Agh eh ta geiyrt da raaidyn camm Ta cherraghtyn dy bra.

Lioar ny Psalmyn 1765 (Pointed)

⁶ Shen-y-fa cha vod ny mee-chrauee shassoo ayns y vriwnys: cha-moo ny peccee ayns chaglym y sleih ynrick.

Psalmyn 1:6 ပူးပေါင်းရင်းမြစ်များ

Lioar Yob 23:10

Agh shione dasyn my ymmyrkey: tra t’eh er my phrowal, hig-ym magh myr airh.

Psalmyn 112:10

Hee yn mee-chrauee eh, as bee eh trimshey da: nee eh snaggeraght lesh e eeacklyn, as lheïe ersooyl; nee yeearree yn vooinjer vee-chrauee cherraghtyn.

Psalmyn 142:3

Tra va my spyrryd ayns trimshey, va sooill ayd er my chassan: ayns y raad va mee shooyl t’ad dy follit er hoiaghey ribbey er my hon.

Psalmyn 142:4

Yeeagh mee myrgeddin er my laue yesh: as honnick mee nagh row fer erbee yinnagh goaill rhym.

Psalmyn 146:9

Ta’n Chiarn coadey yn joarree, t’eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee, t’eh dy hilgey eh bun-ry-skyn.

Psalmyn 9:6

O uss noid, ta traartyssyn er jeet gys slane jerrey: eer myr ny ard-valjyn t’ou er stroie; ta’n imraa oc er gholl naardey mâroo.

Raaghyn Creeney 14:12

Ta raad ayn, as er-lesh dooinney dy vel eh jeeragh: agh ta’n jerrey echey raaidyn y vaaish.

Raaghyn Creeney 15:9

Ta raad y drogh pheccagh feohdoil da’n Chiarn: agh shynney lesh eh ta geiyrt er cairys.

Nahum 1:7

Ta’n Chiarn dooie, fendeilagh lajer ayns y laa seaghnagh, as shione da adsyn ta treishteil aynsyn.

Noo Mian 7:13

Immee-jee stiagh er y ghiat coon; son lhean ta’n giat, as feayn ta’n raad ta leeideil gys toyrt-mow, as shimmey ta goll er:

Noo Ean 10:14

Mish y bochilley mie, as ta enney aym er my chirree, as ta enney ocsyn orrym’s.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

2 Timothy 2:19

Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.

2 Peddyr 2:12

Agh ad shoh, myr beïyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu-ghlennid oc hene:

1 Samuel 2:9

Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.