Psalmyn 1:3 - Yn Vible Casherick 1775 1819

³ As bee eh myr billey soit rish oirr yn ushtey: ver magh e vess ayns imbagh cooie.

Psalmyn Ghavid 1761 (Metrical)

³ T’eh goll-rish billey soit rish awin, Ta bishaghey as gaase; Skeayley ’vanglaneyn trome lesh mess, E ghuilley kinjagh glass.

Lioar ny Psalmyn 1765 (Pointed)

³ As bee eh myr billey soit rish oirr yn ushtey: ver magh e vess ayns imbagh cooie.

Psalmyn 1:3 ပူးပေါင်းရင်းမြစ်များ

Genesis 39:23

Cha yeeagh arreyder y phryssoon gys nhee erbee dy row fo e laue; er-y-fa dy row yn Chiarn mârish; as shen ny v’eh dy yannoo, hug y Chiarn er dy vishaghey.

Genesis 39:3

As hug e vainshtyr tastey dy row’n Chiarn mârish, as dy dug y Chiarn er ooilley ny v’eh cur rish, dy vishaghey fo e laue.

2 Reeaghyn 18:7

As va’n Chiarn mârish; as cre-erbee ghow eh ayns laue haink eh lesh: as dirree eh magh noi ree Assyria, as dob eh dy eeck keesh da.

1 Recortyssyn 22:11

Nish my vac, yn Chiarn dy row mayrt; as gow er dty hoshiaght lesh aïgh mie, as trog thie yn Chiarn dty Yee, myr t’eh er ghra, my-dty-chione.

1 Recortyssyn 22:13

Eisht nee oo bishaghey, my vees oo imneagh, dy chooilleeney ny slattyssyn as ny briwnyssyn shen, hug y Chiarn ayns currym da Moses mychione Israel: bee creeoil as dunnal; ny gow aggle, ny caill dty chree.

2 Recortyssyn 31:21

As ayns dy chooilley obbyr ghow eh ayns laue dy yannoo ayns shirveish thie Yee, as cordail rish y leigh, as ny annaghyn, dy hirrey e Yee, shen ren eh lesh ooilley e chree, as haink eh lesh myrgeddin.

2 Recortyssyn 32:23

As hug ymmodee lhieu ourallyn gys y Chiarn gys Jerusalem, as giootyn gys Hezekiah ree Yudah: myr shen dy row ard-soiagh jeant jeh ayns shilley dy chooilley ashoon, veih’n traa shen magh.

Lioar Yob 14:9

Ny-yeih, lesh bree yn ushtey ver eh magh blaa, as banglaneyn y ymmyrkey myr billey bio.

Lioar Yob 22:28

Nee oo cooish y ghoaill ayns laue, as hig eh lhiat: as bee’n soilshey sollys er dty raaidyn.

Psalmyn 128:2

Son nee oo gee jeh laboraght dty laueyn: O s’mie t’ou, as s’maynrey vees oo.

Psalmyn 129:8

Myr shen nagh vel adsyn ta goll shaghey wheesh as gra, Dy vannee yn Chiarn diu: aïgh mie diu ayns Ennym y Chiarn.

Psalmyn 92:14

Dy vod ad soilshaghey cre cha firrinagh as ta’n Chiarn my niart: as nagh vel veg y neu-ynrickys aynsyn.

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Isaiah 3:10

Abbyr-jee rish y dooinney ynrick, Dy jig eshyn jeh dy mie; son nee ad soylley y ghoaill jeh mess nyn yannoo.

Isaiah 44:4

As aasee ad seose myr mastey’n faiyr, as myr shellee rish ny coorseyn-ushtey.

Isaiah 58:11

As nee yn Chiarn oo y leeideil dy kinjagh, as nee eh dty annym y ooraghey ayns y ghortey, as jannoo magh dty chraueyn lesh smuir; as bee oo goll-rish garey ushtit, as myr farrane ushtey ta geill dy kinjagh.

Jeremiah 17:8

Son bee eh myr billey soit rish oirr yn ushtey, as ta skeayley magh e fraueyn rish yn awin, as cha n’ennee eh tra ta’n chiass loshtee cheet, agh bee e ghuillag glass; as ’sy vleïn ghonney cha bee eh anveagh, chamoo nee eh scuirr veih gymmyrkey mess.

Ezekiel 17:8

V’eh soit ayns thalloo menoyr liorish ushtaghyn mooarey, dy chur magh banglaneyn, as dy ymmyrkey mess, as dy ve ny villey-feeyney aalin.

Ezekiel 19:10

Ta dty voir goll-rish billey-feeyney ayns dty chynney, soit liorish ny ushtaghyn, v’ee messoil, as lane dy vanglaneyn veih mooarane ushtey.

Ezekiel 31:5

Shen-y-fa va’n yrjid echey erskyn ooilley biljyn y vagheragh, as va e vanganyn er nyn mishaghey, as haink e vanglaneyn dy ve liauyr liorish yn ymmodee ushtey, tra v’eh gaase magh.

Ezekiel 47:12

As liorish yn awin, er e vroogh, dagh cheu jeh, nee gaase dy chooilley villey cour beaghey, e ghuillag cha jean fioghey, chamoo vees e vess er ny choyrt naardey: ver eh magh mess noa rere ny meeaghyn, er coontey dy ren ny ushtaghyn ocsyn geill magh ass yn ynnyd casherick, as bee yn mess oc son beaghey, as ny duillagyn oc son medshin.

Earrooyn 24:6

Myr ny coanyn t’ad er nyn skeayley magh, myr garaghyn liorish oirr ny hawinyn, myr ny biljyn lign-aloes ta’n Chiarn er hoiaghey, as myr ny biljyn-cedar liorish ny ushtaghyn.

Noo Mian 13:6

As tra ghow yn ghrian niart, ve fiojit; as er-yn-oyr nagh row eh er n’ghoaill fraue, ren eh shymley ersooyl.

Noo Mian 21:19

As tra honnick eh billey-figgagh er y raad, haink eh huggey, as cha dooar eh monney er, agh ynrycan duillagyn, as dooyrt eh rish, Nar aase mess erbee ort’s veih shoh magh er son dy bragh. As chelleeragh ren y billey-figgagh fioghey ersooyl.

Noo Mian 21:34

As tra va earish ny mess tayrn er-gerrey, hug eh e ir-vooinjerey gys y tannys, dy gheddyn jeh’n mess echey.

Noo Mian 21:41

Dooyrt adsyn rish, Stroie-ee eh fegooish myghin ny drogh gheiney shen, as nee eh soiaghey yn garey-feeyney rish tannys elley, livrey-ys ny messyn da ayns nyn imbagh cooie.

Noo Ean 15:6

Mannagh vel dooinney tannaghtyn aynym’s t’eh tilgit magh myr banglane, as t’eh fioghey; as t’ad dyn deiy as dyn dilgey ad ayns yn aile, as t’ad er nyn lostey.

Deuteronomy 28:8

Nee’n Chiarn sarey bannaght ort, ayns dty hoaltyn, as ayns ooilley ny t’ou coyrt dty laue huggey: as nee eh dty vannaghey ’sy cheer, ta’n Chiarn dty Yee dy choyrt dhyt.

Jude 1:12

T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad-hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;

Ashlish 22:2

Ayns mean y straid eck, as er dagh cheu jeh’n awin, va billey yn vea, va ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.