Psalmyn 1:1 - Yn Vible Casherick 1775 1819

¹ Bannit ta’n dooinney nagh vel er n’immeeaght ayns coyrle ny mee-chrauee, ny er hassoo ayns raad peccee: as nagh vel er hoie ayns stoyl ny craidoilee;

Psalmyn Ghavid 1761 (Metrical)

¹ Bannit ta’n dooinney shen ta chea Veih olk dy chooilley raad; Nagh vel lurg coyrle mee-chrauee shooyl, Ny soie ayns stoyl ny craid.

Lioar ny Psalmyn 1765 (Pointed)

¹ Bannit ta’n dooinney nagh vel er n’immeeaght ayns coyrle ny mee-chrauee, ny er hassoo ayns raad peccee: as nagh vel er hoie ayns stoyl ny craidoilee;

Psalmyn 1:1 ပူးပေါင်းရင်းမြစ်များ

Genesis 49:6

O m’annym, ny gow uss ayrn ’sy choyrle follit oc; gys y cheshaght oc, O my ooashley, ny bee uss er dty lhiantyn: son ayns y chorree oc, ren ad dooinney ’ghunverys, as ayns dewlys nyn farg, lhieg ad sheese voallaghyn,

Genesis 5:24

As ren Enoch gimmeeaght myr ayns fenish Yee, as cha dooar eh baase, son ghow Jee eh, huggey hene.

1 Reeaghyn 16:31

As haink eh gy-kione, myr nagh beagh eh agh red fardalagh dasyn dy hooyl ayns peccaghyn Yeroboam mac Nebat, dy ghow eh son ben Jezebel inneen Ethbaal ree ny Zidonianee, as hie eh as hirveish eh Baal, as hug eh ooashley da.

2 Recortyssyn 22:3

Ren eshyn myrgeddin gimmeeaght ayns raaidyn thie Ahab: son er drogh choyrle e voir ren eh dy olk.

Lioar Yob 10:3

Vel eh vondeish dhyt’s dy my laadey lesh seaghyn, dy hoiaghey beg jeh obbyr dty laueyn hene, as soilshean er coyrle ny mee-chrauee?

Lioar Yob 21:16

Cur-my-ner, cha vel y vaynrys oc ’sy laue oc hene: ta coyrle ny mee-chrauee foddey voym.

Lioar Yob 31:5

My ta mee er n’immeeaght lurg fardalys, as my chass er ve bieau lurg molteyrys;

Psalmyn 1:6

Shen-y-fa cha vod ny mee-chrauee shassoo ayns y vriwnys: chamoo ny peccee ayns chaglym y sleih ynrick.

Psalmyn 106:3

Bannit t’adsyn ta kinjagh freayll briwnys: as jannoo cairys.

Psalmyn 112:1

Bannit ta’n dooinney ta goaill aggle roish y Chiarn: ta taitnys mooar echey ayns e annaghyn.

Psalmyn 119:115

Ass my enish, shiuish ghrogh-yantee: freill-yms annaghyn my Yee.

Psalmyn 144:15

S’maynrey yn pobble ta ’sy stayd shoh: dy jarroo, bannit ta’n pobble ta’n Chiarn oc son nyn Yee.

Psalmyn 146:5

Ta er chroo niau as thalloo, yn faarkey, as ooilley ny t’ayndoo: ta freayll e yialdyn son dy bragh;

Psalmyn 146:9

Ta’n Chiarn coadey yn joarree, t’eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee, t’eh dy hilgey eh bun-ry-skyn.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 26:12

Ta my chass shassoo dy kiart: ver-ym moylley da’n Chiarn ayns chaglym-cooidjagh y phobble.

Psalmyn 34:8

O blasht-jee, as jeeagh-jee, cre cha graysoil ta’n Chiarn: bannit yn dooinney ta coyrt e varrant ersyn.

Psalmyn 36:4

T’eh smooinaghtyn er olk er e lhiabbee, as cha vel eh er hoiaghey eh-hene ayns raad mie erbee: chamoo t’eh cur dwoaie da’n red ta olk.

Psalmyn 64:2

Follee mee veih chaglym-cooidjagh ny mee-viallee: as veih irree-magh ny drogh-yantee;

Psalmyn 81:12

Agh cha baillish my phobble geaishtagh rish my choraa: as cha baillish Israel biallys y choyrt dou.

Psalmyn 84:12

Son ta’n Chiarn Jee ny hoilshey as fendeilagh: ver y Chiarn grayse as gloyr: as cha bee nhee mie erbee er ny chummal vouesyn ta leeideil bea chrauee.

Raaghyn Creeney 1:15

My vac, ny shooyl uss er y raad mâroo: freill dty chass veih’n chassan oc.

Raaghyn Creeney 1:22

Caïd, shiuish vee-hushtee ver shiu rish mee-hushtey? as craidoilee goaill taitnys ayns nyn graid, as ny ommydanyn cur feoh da tushtey?

Raaghyn Creeney 13:15

Ta keeayl vie cosney foayr: agh s’doillee ta raad ny drogh-yantee.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Raaghyn Creeney 19:29

Ta kerraghey kiarit son ny craidoilee, as scuitchal son dreeym ny mee-cheeayllee.

Raaghyn Creeney 2:12

Dy livrey oo veih raad y drogh ghooinney, veih’n dooinney ta loayrt goan cluicagh.

Raaghyn Creeney 3:34

Shickyr t’eh jannoo faghid er ny craidoilee: agh t’eh coyrt grayse da ny imlee.

Raaghyn Creeney 4:19

Ta raad ny mee-chrauee myr y dorraghys; cha nhione daue cre roish t’ad dy snapperal.

Raaghyn Creeney 9:12

My t’ou creeney, bee oo creeney dhyt hene; agh my t’ou cur rish craid, oo hene surrys er y hon.

Jeremiah 15:17

Cha hoie mee ayns sheshaght ny gannidee, cha row taitnys aym ayndoo; chum mee orrym pene, fo dty laue’s orrym: son t’ou er my lhieeney lesh dty yymmoose.

Jeremiah 17:7

Bannit ta’n dooinney ta coyrt e varrant er y Chiarn, as ta’n Chiarn e hreishteil:

Ezekiel 20:18

Agh dooyrt mee rish nyn gloan ayns yn aasagh, Ny immee-jee shiuish ayns slattyssyn ny ayraghyn eu, chamoo cur-jee geill da ny briwnyssyn oc, chamoo tayrn-jee peccah erriu hene lesh nyn yallooyn.

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s, agh my Ayr t’ayns niau.

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Luke 23:51

(Cha row aart ny paart echey shoh ayns y choyrle ny yn jannoo oc) v’eh veih Arimathea, ard-valley jeh ny Hewnyn, (va myrgeddin eh-hene farkiaght son reeriaght Yee.)

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Noo Ean 20:29

Dooyrt Yeesey rishyn, Homase, Er-y-fa dy vel oo er my akin, t’ou er chredjal; bannit t’adsyn nagh vel er vakin, as foast ta er chredjal.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Ephesianee 6:13

Shen-y-fa gow-jee hiu slane eilley Yee, dy vod shiu ve abyl dy hassoo magh ayns y laa seaghnagh, as lurg diu ve er yannoo ooilley, dy hassoo.

Deuteronomy 14:6

As dy chooilley vaagh ta rheynn yn yngyn, as skeilt-chassagh, as caigney-cheeilley mastey beiyn: shen nee shiu gee.

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

1 Peddyr 4:3

Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid-feeyney, cuirraghyn jollyssagh, meeiteilyn meshtyllagh, as jalloonys dwoaiagh:

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard-valley.