Philippianee 4:3 - Yn Vible Casherick 1775 1819

³ As ta mee guee ort’s myrgeddin, cho-obbree firrinagh, cooin lesh ny mraane shen ren m’y hirveish ayns y sushtal, marish Clement myrgeddin, as y chooid elley jeh my cho-labreeyn, ny enmyn oc ta ayns lioar y vea.

Yn Conaant Noa 1810

³ As ta mee guee ort’s myrgeddin, cho‐obbree firrinagh, cooin lesh my mraane shen ren m’y hirveish ayns y sushtal, marish Clement myrgeddin, as y chooid elley jeh my cho‐labreeyn, ny enmyn oc ta ayns lioar y vea.

Philippianee 4:3 ပူးပေါင်းရင်းမြစ်များ

Psalmyn 69:28

Lhig daue tuittym veih un pheccah gys peccah elley: as gyn cheet stiagh gys dty ynrickys.

Exodus 32:32

Ny-yeih nish, my she dty aigney eh, leih daue nyn beccah; as mannagh jean oo, lhig dooys, ta mee guee ort, ve er my gholley ass dty lioar t’ou er scrieu.

Isaiah 4:3

As hig eh gy-kione, dy bee eshyn ta faagit ayns Zion, as eshyn ta er-mayrn ayns Jerusalem, enmyssit casherick, dy jarroo dagh unnane ta e ennym currit stiagh son bio ayns Jerusalem:

Ezekiel 13:9

As bee my laue er ny phadeyryn ta fakin fardalys, as ta jannoo phadeyrys breagagh, cha bee ad mastey sheshaght my phobble, chamoo vees ad er nyn scrieu ayns recortyssyn thie Israel, chamoo hed ad stiagh ayns thalloo Israel, as bee fys eu dy nee mish y Chiarn Jee.

Daniel 12:1

As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Noo Luke 10:20

Ny-yeih ayns shoh ny gow-jee boggey, dy vel ny spyrrydyn biallagh diu: agh gow-jee boggey smoo, dy vel ny enmyn eu scruit ayns niau.

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Romanee 16:12

Bannee-jee Tryphena as Tryphosa, ta laboraght ayns y Chiarn. Bannee-jee Persis ennoil, ren lane shirveish ayns obbyr y Chiarn.

Romanee 16:9

Bannee-jee Urban m’er-coonee ayns Creest, as Stachys shynney lhiam.

Philippianee 1:12

Agh baillym shiu dy hoiggal, vraaraghyn, dy vel ny reddyn t’er jeet my raad, er jyndaa magh dy chur y sushtal ny smoo er y hoshiaght:

Philippianee 1:16

Ta’n derrey yeh preacheil Creest trooid streeu, cha nee dy ynrick, er-chee dy chur trimmid gys my gheulaghyn:

Philippianee 1:27

Erskyn ooilley, lhig da’n ymmyrkey-bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjagh son credjue yn tushtal;

Philippianee 1:5

Son y co-ayrn eu ayns y sushtal veih’n chied laa gys nish;

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er-y-fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

Philippianee 4:2

Ta mee guee er Euodias, as guee er Syntyche, dy bee ad jeh’n aigney cheddin ayns y Chiarn.

Colossianee 1:7

Myr dynsee shiu myrgeddin jeh Epaphras nyn sheshey sharvaant graihagh, ta er nyn son euish ny hirveishagh firrinagh dy Chreest;

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er-dy hoshiaght y theihll.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn-grunt, as hed eh gys toyrt-mow: as gowee cummaltee’n thallooin yindys (ny enmyn oc nagh row scruit ayns lioar y vea er-dy hoshiaght y theihll) tra ver ad my-ner yn veisht va, as nagh vel, as foast ta.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.

Ashlish 20:15

As quoi-erbee nagh row ry-gheddyn scruit ayns lioar y vea, v’ad er nyn dilgey ayns y logh dy aile.

Ashlish 21:27

As cha jed stiagh ayn er aght erbee red erbee neu-ghlen, chamoo nhee erbee ta gobbraghey eajeeys, ny jannoo foalsaght: agh adsyn ta scruit ayns lioar vea yn Eayn.

Ashlish 3:5

Bee eshyn yiow yn varriaght, coamrit ayns garmad gial; as cha der-ym yn ennym echey ass lioar y vea, agh goym rish e ennym kiongoyrt rish my Ayr, as fenish e ainleyn.