Philippianee 3:9 - Yn Vible Casherick 1775 1819

⁹ As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Yn Conaant Noa 1810

⁹ As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Philippianee 3:9 ပူးပေါင်းရင်းမြစ်များ

Genesis 7:23

As va dy chooilley nhee bio er ny stroie v’er eaghtyr y thallooin, chammah dooinney as baagh, as ny cretooryn snauee, as eeanlee yn aer; as v’ad er nyn stroie veih yn thalloo: as Noah, as adsyn va mârish ’syn arg va ynrycan faagit bio.

1 Reeaghyn 8:46

My t’ad jannoo peccah dt’oï, (son cha vel dooinney erbee nagh vel cur-rish peccah,) as uss ve jymmoosagh roo, as dy livrey oo ad gys nyn noidyn, myr shen dy der ad lhieu ad nyn gappeeyn gys cheer yn noid, foddey ny gerrit;

2 Recortyssyn 32:25

Agh cha row Hezekiah booisal corrym rish y bannaght v’er ny hoilshaghey: son va e chree troggit seose; shen-y-fa haink magh jymmoose n’oï hene as noi Judah as Jerusalem.

2 Recortyssyn 32:31

Ny-yeih, ayns cooish princeyn Vabylon, haink er chaghteraght huggey dy vriaght mychione y cowrey mirrilagh va jeant ’sy cheer, daag Jee eh da hene dy phrowal eh, as dy choyrt toiggal da jeh annooinid e chree hene.

Psalmyn 14:3

Yeeagh y Chiarn neose veih niau er cloan gheiney: dy akin row veg jeu yinnagh toiggal, as shirrey lurg Jee.

Psalmyn 143:2

As ny gow er dty hoshiaght gys briwnys rish dty harvaant: son ayns dty hilley’s cha bee dooinney erbee bio er ny heyrey.

Psalmyn 19:12

Quoi oddys ginsh earroo e loghtyn? O glen mee veih my pheccaghyn follit.

Ecclesiastes 7:20

Son cha vel dooinney cairal er yn ooir cha mie shen, nagh vel jannoo peccah.

Isaiah 46:13

Ver-ym lhiam my ynrickys er-gerrey; cha bee eh foddey jeh, as cha jean my haualtys cumrail; as soie-yms saualtys ayns Zion cour Israel my ghloyr.

Isaiah 53:11

Ver eh my-ner seaghyn e annym hene, as bee eh er ny gherjaghey: liorish e hushtey nee my harvaant ynrick ymmodee y heyrey; son nee eh gymmyrkey nyn loghtyn.

Isaiah 53:6

Ta shinyn ooilley, myr kirree, er n’gholl er-shaghryn; ta shin er jyndaa dagh unnane ain gys e raad hene; as ta’n Chiarn er lhie ersyn yn loght ain ooilley.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Jeremiah 33:16

Ayns ny laghyn shen vees Judah er ny hauail, as nee Jerusalem cummal ayns shee: as shoh yn cowrey vees enmyssit er, YN CHIARN YN YNRICKYS AINYN.

Daniel 9:24

Ta three-feed shiaghtinyn as jeih kiarit er dty phobble, as er dty ard-valley casherick, dy lhiettal mee-chraueeaght, as dy choyrt jerrey er peccah, as dy yannoo lhiasaghey son mee-chairys, as dy choyrt lesh stiagh ynrickys dy bragh farraghtyn, as dy sealal seose yn ashlish, as y phadeyrys, as dy ooilaghey yn er smoo casherick.

Noo Mian 9:13

Agh immee-jee shiuish, as ynsee-jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Romanee 1:17

Son ayns shen ta firrinys Yee er ny hoilshaghey veih credjue gys credjue: myr te scruit, Bee’n fer-cairagh bio liorish credjue.

Romanee 10:10

Son lesh y chree ta dooinney credjal gys cairys, as lesh y veeal ta goaill rish [y chredjue] er ny yannoo gys saualtys.

Romanee 16:7

Bannee-jee Andronicus as Junia my gheiney-mooinjerey as my heshaghyn-pryssoonee, ta jeh goo ooasle mastey ny ostyllyn, va myrgeddin ayns Creest roym’s.

Romanee 5:21

’Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.

Romanee 8:1

Cha vel er-y-fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey-ys:

2 Corinthianee 5:17

Shen-y-fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur-my-ner, ta dy chooilley nhee jeant ass-y-noa.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 2:16

As fys ain nagh vel dooinney er ny heyrey liorish obbraghyn y leigh, agh liorish credjue Yeesey Creest, ta shinyn eer er chredjal ayns Yeesey Creest; dy voddagh shinyn v’er ny heyrey liorish credjue Chreest, as cha nee liorish obbraghyn y leigh: son liorish obbraghyn y leigh cha bee dooinney bio er ny heyrey.

Deuteronomy 27:26

Cursit t’eshyn, nagh vel shassoo gys ooilley goan y leigh shoh, dy chooilleeney ad: as jir ooilley’n pobble, Amen.

Philippianee 3:6

Mychione jeeanid son y leigh, jannoo tranlaase er yn agglish; mychione y chairys ta liorish y leigh, gyn foill.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er-dy hoshiaght y theihll,

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa-ghiennaghtyn [ayns bashtey], as jannoo shin ass-y-noa liorish y Spyrryd Noo;

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Jamys 3:2

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

1 Ean 3:4

Quoi-erbee ta jannoo peccah, t’eh myrgeddin brishey yn leigh; son she peccah ta brishey yn leigh.