Philippianee 2:4 - Yn Vible Casherick 1775 1819

⁴ Ny lhig da sooill ve ec dooinney erbee gys y foays echey hene [ny-lomarcan], agh dy chooilley ghooinney myrgeddin gys foays feallagh elley.

Yn Conaant Noa 1810

⁴ Ny lhig da sooill ve ec dooinney erbee gys y foays echey hene [ny lomarcan], agh dy chooilley ghooinney myrgeddin gys foays feallagh elley.

Philippianee 2:4 ပူးပေါင်းရင်းမြစ်များ

Esther 2:22

As hooar Mordecai fys er shoh, as dinsh eshyn eh da Esther yn ven-reïn, as ren Esther y chooish y hoilshaghey da’n ree, ayns ennym Vordecai.

Earrooyn 32:6

As dooyrt Moses rish cloan Ghad, as rish cloan Reuben, Jed ny braaraghyn eu gys y chaggey, as shiuish dy ve ayns shoh nyn daaue?

Noo Mian 18:6

Agh quoi-erbee ver oyr da unnane jeh’n vooinjer veggey shoh ta credjal aynym’s dy huittym [veih’n chredjue] veagh eh ny bare da dy beagh clagh-wyllin er ve croghit mysh e wannal, as eh dy ve baiht ayns diunid ny marrey.

Romanee 12:15

Gow-jee boggey mâroosyn ta goaill boggey, as jean-jee dobberan mâroosyn ta dobberan.

Romanee 15:1

Lhisagh shinyn eisht ta lajer, gymmyrkey lesh ny annooinidyn ocsyn ta moal-chredjuagh, as cha nee dy wooiys shin hene.

1 Corinthianee 10:24

Ny lhig da dooinney erbee shirrey ynrycan e vondeish hene: agh dy chooilley unnane foays e naboo.

2 Corinthianee 11:29

Quoi ta annoon, as nagh vel mish annoon? quoi t’er ghoaill oyr dy huittym, as nagh vel mish lostey?

2 Corinthianee 6:3

Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.

Jamys 2:8

My ta shiu cooilleeney yn leigh reeoil, cordail rish y scriptyr, Ver oo graih da dty naboo myr dhyt hene, ta shiu jannoo dy mie.